وبلىستىق ىشكى ىستەر دەپارتامەنت باسشىلارى ۇكىمەت وتىرىسىندا ەسەپ بەرەتىن بولدى
بۇگىن ق ر ۇكىمەتى وتىرىسىندا پرەمەر- مينيستر باقىتجان ساعىنتايەۆ وسىنداي تاپسىرما جۇكتەدى، دەپ حابارلايدى قازاقپارات.
«ءبىز ىشكى ىستەر دەپارتامەنتتەرى باستىقتارىن ەشقاشان تىڭداعان ەمەسپىز. ءى ءى د باستىقتارى وسىندا كەلىپ، باياندايتىن بولسىن. قازىر جەرگىلىكتى پوليتسيا بار، ولار دا وسى جەرگە كەلىپ وزدەرى اتقارىپ جاتقان جۇمىستارى جايىندا ايتسىن»، - دەدى ۇكىمەت باسشىسى. وسى رەتتە ب. ساعىنتايەۆ نيۋ- يوركتەگى قىلمىس دەڭگەيىن تومەندەتۋ باعىتىندا اتقارىلعان جۇمىستاردى پرەزيدەنت نۇرسۇلتان نازاربايەۆ ۇنەمى مىسالعا كەلتىرەتىندىگىن ەسكە سالىپ ءوتتى.
«تاياۋدا عانا تەك قالانىڭ نەمەسە وبلىستىڭ عانا ەمەس، نيۋ- يوركتىڭ ءار اۋدانىندا قىلمىستىڭ نە جوعارى نە تومەن ەكەندىگى كورسەتىلگەن موبيلدى قوسىمشا بار ەكەندىگىن وقىدىم. بۇل قوسىمشانى بيزنەس ءجيى قولدانادى. ماسەلەن، قوناق ۇيلەر وزدەرىنىڭ جارنامالارىندا قوناق ءۇيدىڭ نيۋ- يوركتىڭ قانداي دا ءبىر اۋدانىندا ورنالاسقانىن جانە ول جاقتا قىلمىس دەڭگەيى نولگە تەڭ ەكەندىگىن كورسەتەدى. سوندىقتان تۋريستەردىڭ بارلىعى سوندا بارادى»، - دەدى ول.
سونىمەن قاتار ۇكىمەت باسشىسى نيۋ- يوركتىڭ جايلى اۋداندارىنداعى باسپانا باعاسىنىڭ دا كۇرت جوعارلايتىندىعىن ايتتى.
اۆتور: مارلان جيەمباي
