ماسكەۋ ا ق ش- تى سيريا تۋرالى شەشىمىن «اقىلعا سالىپ كورۋگە» شاقىردى
ماسكەۋ ۆاشينگتوننىڭ بۇل قادامىنان سيريا بيلىگىن اۋىستىرۋ ءۇشىن «تەرروريستەرمەن وداقتاس بولۋعا دايىندىق» دەپ قاراستىرادى. «ا ق ش سايتاندارمەن كەلىسىم جاساسۋعا ءازىر» دەلىنگەن مينيسترلىك مالىمدەمەسىندە.
3 - قازاندا ا ق ش بيلىگى رەسەيمەن سيريا قاقتىعىسىن توقتاتۋ جونىندەگى ەكىجاقتى ىنتىماقتاستىق توقتاتاتىنىن جاريا ەتكەن. ا ق ش مەملەكەتتىك دەپارتامەنتى رەسەيدى سيرياداعى بىتىمگە جاردەمدەسۋ جانە قورشاۋداعى قالالارعا گۋمانيتارلىق كومەكتىڭ تۇراقتى جەتكىزىلۋىن قامتاماسىز ەتۋ تۋرالى قىركۇيەكتە قول قويىلعان كەلىسىم شارتتارىن ورىندامادى دەپ مالىمدەگەن.
رەسەي مەن ا ق ش قىركۇيەكتىڭ ورتاسىندا سيرياداعى سوعىسۋشى تاراپتار اراسىنداعى ءبىتىم شارتى تۋرالى ۋاعدالاستىق جاساعان. ءبىراق ءبىر اپتادان سوڭ - ا ق ش باستاعان كواليتسيا سيريا ۇكىمەتى اسكەرىنە اۋەدەن شابۋىل جاساعان سوڭ ءبىتىم بۇزىلعان. بۇدان سوڭ گۋمانيتارلىق جۇك تيەگەن كولىكتەر كەرۋەنىنە شابۋىل جاسالىپ، باتىس ەلدەرى وعان رەسەيدى ايىپتاعان.
ودان كەيىنگى كۇندەرى سيريا ارمياسى مەن رەسەي اۆياتسياسى ءبىر بولىگىن باشار اسادقا قارسى كوتەرىلىسشىلەر باقىلاپ تۇرعان الەپپوعا شابۋىلداي باستاعان. اۋە شابۋىلدارىنان كوبىنە بەيبىت تۇرعىندار قازا تاۋىپ جاتىر. ماسكەۋ اۋە شابۋىلدارىن ەكسترەميستەردىڭ شەپتەرىنە جاسالىپ جاتقانىن ايتادى.
«ازاتتىق»
