تۇنەۋگە بولاتىن كىتاپ دۇكەنى

استانا. قازاقپارات - الەمدە بىزگە بەلگىلى- بەلگىسىز كوپتەگەن ايگىلى كىتاپ دۇكەندەرى بار. ءبىز اڭگىمەلەگەلى وتىرعان كىتاپ دۇكەنى تەك قانا كىتاپ ساتپايدى.

 پاريجدىك Shakespeare and Company كىتاپ دۇكەنىندە قالىپ، ءومىر سۇرۋگە بولادى. ارينە، تەگىن ەمەس. بىرنەشە ساعات جۇمىس ىستەپ، وتكەن 50 جىلداعى ۋاقىتشا تۇرۋشىلاردىڭ ءومىربايانىنىڭ قاسىنا ءوز ءومىربايانىڭىزدىڭ بەتتەرىن جازىپ قالدىرۋ ءۇشىن.

 ايگىلى جازۋشى ەرنەست حەمينگۋەي بۇل دۇكەندى ءوزىنىڭ «ءارقاشان سەنىمەن مەرەكە» اتتى اۆتوبيوگرافيالىق رومانىندا جازادى. ال، ۋيتمان بولسا ونى كىتاپ دۇكەنى بولىپ كورىنەتىن «الەۋمەتتىك قيال» دەپ اتاعان ەكەن. كوپشىلىگى جازدا ءبىر اپتاعا عانا تۇراقتايدى، ءبىراق كەلۋشى ءبىر جىگىت بۇل جەردە تولىق 7 -جىل تۇرىپتى دەسەدى. دۇكەننىڭ ءتۇرلى ءتۇستى تەرەزەسىندە يەيتستىڭ قاناتتى سوزدەرى جازىلعان، سىرتىندا نوتر- دام ورنالاسقان.

 كىتاپ دۇكەنى دەگەن اتى بولعانمەن قوناقۇي دەسە دە بولاتىنداي. ىشىندە جاتىپ كىتاپ، گازەت وقۋعا ىڭعايلى 13 كەرەۋەت جايعاستىرىلعان. سونىمەن قاتار دەمالىس كۇندەرى ءداستۇرلى تۇردە بەلگىلى قالامگەرلەرمەن كەزدەسۋلەر ۇيىمداستىرىلىپ تۇرادى.

massaget.kz