بايان ماقسات قىزى (ەسەنتايەۆا) جاڭا فيلم تۇسىرمەك
پروديۋسەر جاڭا فيلم ءتۇسىرۋدى جوسپارلاۋدا.
بۇل تۋرالى ول ءوزىنىڭ Instagram-داعى پاراقشاسىندا حابارلادى.
مەنىڭ كەلەسى فيلمىمنىڭ يدەياسى وتە قىزىقتى بولعالى تۇر...»، - دەپ جازدى ول.
كوپتەگەن جانكۇيەرلەر بۇل جاڭالىقتى قۋانا قابىلداپ، جاڭا تۋىندىنى اسىعا كۇتەتىندەرىن جەتكىزدى.
ايتا كەتەيىك، 10 -ماۋسىم كۇنى بايان ەسەنتايەۆا اۋداندىق اۋرۋحاناعا جەتكىزىلىپ، وعان ءۇش ساعاتتىق وپەراتسيا جاسالدى. ول كەزدە ناۋقاستىڭ جاعدايى وتە اۋىر بولاتىن. ال، باياندى اۋىر سوققىعا جىققان كۇيەۋى باقىتبەك ەسەنتايەۆ تالعار اۋداندىق ىشكى ىستەر بولىمىنە جەتكىزىلدى.
اتالعان فاكتى بويىنشا قىلمىستىق ءىس قوزعالىپ، سوتقا دەيىنگى تەرگەۋ امالدارى باستالدى. باقىتبەك ەسەنتايەۆتىڭ ءىسى بويىنشا كەزەكتى سوت وتىرىسى 18 -قازان كۇنى تالدىقورعان قالاسىندا وتەدى. پروتسەسس جابىق رەجيمدە وتۋدە.
