العاش رەت ەرەسەك ادام ا ي ت ۆ دەرتىنەن ايىقتى

استانا. قازاقپارات - وكسفورد جانە كەمبريدج ۋنيۆەرسيتەتتەرىنىڭ، سونىمەن قاتار لوندوننىڭ ۋنيۆەرسيتەتتىك جانە كورولدىك كوللەدجدەرىنىڭ بريتانيالىق عالىمدارى ەرەسەك ادامنىڭ ا ي ت ۆ اۋرۋىنان ەمدەلگەنى جايلى حابارلادى.

بۇل تۋرالى لەنتا. رۋ The Sunday Times-كە سىلتەمە جاساپ حابارلادى.

44 جاستاعى بريتاندىق ايتۆ اۋرۋىنان ەمدەلدى. ول ارنايى ۆيرۋسقا قارسى تەراپيادان ءساتتى وتكەن 50 ادامنىڭ العاشقىسى. عالىمداردىڭ سوزىنە قاراعاندا، جاڭا ءادىس بارلىق اعزاداعى ا ي ت ۆ- نى تاۋىپ، جويۋعا قاۋقارلى. زەرتتەۋ كورسەتكەندەي، تەراپيادان وتكەن سوڭ ونىڭ قانىنداعى ۆيرۋستىڭ از بولعانى سونشالىق، ءتىپتى ساراپتاما ناتيجەسى تەرىس بولعان.

د د س ۇ مالىمەتىنشە، 2014 -جىلعا قاراي الەمدەگى شامامەن 37 ميلليون ادام ا ي ت ۆ جۇقتىرعان. ال 34 ميلليون ادام وسى اۋرۋ سالدارىنان قازا تاپقان. جىل سايىن بۇل ۆيرۋستان 1,5 ميلليون ادام اجال قۇشقان، 2,2 ميلليونعا جۋىعى ۆيرۋستى «تاسىمالداعان». ۆيرۋسقا قارسى تەراپيانى اۋىراتىنداردىڭ جارتىسىنا جۋىعى عانا قابىلدايدى.