الماتى اۋەجايىندا توگىلگەن سۇيىقتىق سىناپ ەكەنى راستالدى

الماتى. قازاقپارات - الماتى اۋەجايىندا سىناپتى شەلەككە قۇيىپ، جۇرتتى ابىگەر قىلعان جولاۋشى ۇستالدى.

  الماتى حالىقارالىق اۋەجايىنىڭ حابارلاۋىنشا، 3 - قازان كۇنى «الماتى- تبيليسي باعىتىنداعى «ەير استانا» اۋە كومپانياسىنىڭ № 141 رەيسىندەگى جولاۋشىلاردى تەكسەرۋ بارىسىندا ءبىر جولاۋشىنىڭ قول جۇگىنەن قۇرامىندا سىنابى بار قۇتىداعى سۇيىقتىق بايقالعان.

 «جولاۋشىنىڭ قول جۇگىنەن سۇيىق زات بايقالىپ، تەكسەرگەندە، ونىڭ سىناپ ەكەنى انىقتالعان. شامامەن 100 م ل ليتر. وسىدان كەيىن جولاۋشى ەشكىمنەن سۇراماستان، ونى قوقىس شەلەگىنە تاستاي سالعان. سىناپ سوندا توگىلگەن. قازىر كۇدىكتى ۇستالدى، ىشكى ىستەردىڭ جەلىلىك بولىمىندە. بۇل ارادا اۋەجاي قاۋىپسىزدىك قىزمەتىنىڭ جەدەل ارەكەت ەتكەنىن ايتا كەتۋ كەرەك. وقيعاعا قاتىستى 6 رەيس كەشىگىپ ۇشتى. 3-ەۋى ىشكى رەيس، قالعانى حالىقارالىق رەيستەر. اۋەجاي شتاتتىق رەجىمدە جۇمىسىن جالعاستىردى»، دەلىنگەن حابارلامادا.

ەسكە سالا كەتەيىك بۇگىن الەۋمەتتىك جەلىلەردە الماتى اۋەجايىندا ت ج تۋرالى حابارلانعان بولاتىن.

 «اۋەجايدا توتەنشە جاعداي. بارلىعى ەۆاكۋاتسيالاندى. اۋە پورتى قاۋىپسىزدىك قىزمەتى «الماتى- تبيليسي» باعىتىمەن سىناپ الىپ وتپەك بولعانداردىڭ جولىن كەسكەن. كۇدىكتىلەر زاڭسىز ارەكەتىن جاسىرماق بولىپ، سىناپتى شەلەككە قۇيىپ كەتكەن»، - دەپ جازعان ەدى اۋەجايداعى الەۋمەتتىك جەلى قولدانۋشىلارى.

اۆتور: الماس مۇقاش ۇلى