شۆەتسيادا فيزيولوگيا جانە مەديتسينا سالاسىنداعى نوبەل سىيلىعىنىڭ يەگەرلەرى جاريالانادى

استانا. قازاقپارات - كەزەكتى نوبەل اپتالىعى 3 - قازاندا شۆەتسيانىڭ استاناسىندا فيزيولوگيا جانە مەديتسينا سالاسىنداعى نوبەل سىيلىعىنىڭ لاۋرەاتتارىنىڭ ەسىمىن جاريالاۋدان باستالادى.

  جاقىن ارادا وزگە اتالىمدارداعى سىيلىق يەگەرلەرى بەلگىلى بولادى. وسىلايشا، 4 - قازاندا فيزيكا سالاسى بويىنشا، 5- قازاندا حيميا سالاسى بويىنشا نوبەل كوميتەتىنىڭ شەشىمى بەلگىلى بولماق. 7 - قازاندا وسلودا بەيبىتشىلىك سىيلىعىنىڭ لاۋرەاتى جاريالانادى، دەپ حابارلادى ت ا س س.

1968 -جىلى شۆەتسيا مەملەكەتتىك بانكى بەكىتكەن ەكونوميكا بويىنشا نوبەل سىيلىعىنىڭ يەگەرى 10 - قازاندا بەلگىلى بولادى. شۆەتسيالىق اكادەميا ادەبيەت سالاسىنداعى ماراپات كىمگە بۇيىراتىنىن 13- قازاندا حابارلايدى.

 ءوزىنىڭ وسيەتىندە الفرەد نوبەل فيزيولوگيا جانە مەديتسينا سالاسىنداعى نوبەل سىيلىعىنىڭ لاۋرەاتىن تاڭداۋدى ستوكگولمدەگى كارولينا ينستيتۋتىنا تاپسىرعان. كوزى ءتىرى كەزىندە قۇرىلعان نوبەل كوميتەتى بەس تۇراقتى مۇشەدەن تۇرادى. ولار كەڭەس الۋ ءۇشىن ساراپشىلاردى شاقىرۋعا قۇقىلى.