الەكسەي لۋسەنكو الماتى تۋرىنىڭ جەڭىمپازى اتاندى
سايىستا «Astana Pro Team» كومانداسىنىڭ كاپيتانى الەكسەي لۋسەنكو جەڭىسكە جەتتى.
بۇعان دەيىن حابارلاعانىمىزداي، ۆەلوجارىستىڭ جالپى جۇلدە قورى 39 مىڭ ەۋرو.
«الماتى تۋرىنىڭ» جەڭىمپازى 15 مىڭ ەۋرو، ەكىنشى جانە ءۇشىنشى ورىنداردىڭ يەلەرى 10 جانە 5 ەۋرودان الادى. سونىمەن قاتار، 20-ورىنعا دەيىنگى قاتىسۋشىلار ماراپاتتالادى.
جارىس الدىندا سۇحبات بەرگەن «Astana Pro Team» كاپيتانى الەكسەي لۋسەنكو كوماندا ۆەلوشاباندوزدارى الماتى تۋرىندا جاقسى ناتيجە كورسەتەتىنىنە سەنىمدى ەكەنىن ايتقان.
«بۇگىن جاڭبىرلى كۇنگە قاراماستان ءبىزدىڭ كوماندانىڭ ىشىنەن جوعارعى ناتيجەگە جەتەتىندەر بولادى دەپ ويلايمىن. وزدەرىڭىز بىلەسىزدەر، ۆەلوسپورت ول كوماندالىق ويىن، سوندىقتان جەڭىسكە جەتسەك، بارلىعىمىزعا جاقسى بولادى» ، دەگەن بولاتىن «الماتى تۋرى» تۋرىنىڭ باستى فاۆوريتى استانا كاسىپقوي ۆەلوكومانداسى جانە ونىڭ كاپيتانى الەكسەي لۋتسەنكو.
تانىمال ۆەلوشاباندوز ۆيچەنتسو نيبالي ءۇشىن بۇل سايىس «Astana Pro Team» كومانداسى ساپىنداعى سوڭعى جارىسىنىڭ ءبىرى. يتاليالىق سپورتشى دا اۋا رايىنا قاراماستان، جاقسى ناتيجەگە قول جەتكىزۋگە تىرىساتىنىن ايتقان.
ايتا كەتەيىك، بۇگىن الماتىدا ساعات 09-30 دا «الماتى تۋرى - 2016» ۆەلوجارىسى ءوتتى.
ۆەلوشاباندوزدار ءال- فارابي داڭعىلى بويىمەن جارىسا وتىرىپ، مۇستافين كوشەسىمەن ءوتىپ، شىعىس اينالما جولىنان كەرى بۇرىلدى. ءبىر اينالىم قاشىقتىعى - 31 شاقىرىم. جارىس جولىنىڭ جالپى قاشىقتىعى - 186 شاقىرىم.
ەسكە سالا كەتەيىك، «الماتى تۋرى» بيىل ءتورتىنشى رەت وتكىزىلدى. العاشقى رەت 2013 -جىلى باستالعان. 2014 -جىلى UCI حالىقارالىق ۆەلوسيپەدشىلەر حالىقارالىق وداعى ۆەلوجارىسقا ەڭ جوعارعى ديۆيزيوننىڭ كاسىپقوي كوماندالارى وينايتىن 1.1 كاتەگورياسىن بەردى.
ۆەلوجارىسقا ەۋروپا مەن ازيانىڭ 14 كومانداسى قاتىستى.
ۆەلوجارىستىڭ جالپى جۇلدە قورى 39 مىڭ ەۋرو. «الماتى تۋرىنىڭ» جەڭىمپازى 15 مىڭ ەۋرو، ەكىنشى جانە ءۇشىنشى ورىندارىنىڭ يەلەرى 10 جانە 5 ەۋرودان الادى. سونىمەن قاتار، 20-ورىنعا دەيىنگى قاتىسۋشىلار ماراپاتتالادى.
اۆتور: الماس مۇقاش ۇلى
