راۆۆيندەر ەۋروپاداعى ەۆرەيلەردىڭ كوشۋى مۇمكىن ەكەنىن ەسكەرتتى

استانا. قازاقپارات - ماسكەۋدىڭ باس راۆۆينى پينحاس گولدشميدت ۇلى بريتانيانىڭ ەۋرووداقتان شىعۋ تۋرالى شەشىمى راديكالدى يسلاميزيمنىڭ ۇلعاياتىنىن جانە ونىڭ ەۋروپاداعى ەۆرەي جۇرتشىلىعىنا قاتەر توندىرەتىنىن مالىمدەدى، دەپ حابارلادى ر ي ا نوۆوستي.

ەۋروپاداعى راۆۆيندەر كەڭەسىنىڭ باسشىسى بوپ تابىلاتىن گولدشميدت ەۋروپارلامەنت دەپۋتاتتارىنا مەملەكەت باسشىلارى زاماناۋي قاۋىپ- قاتەرلەرگە دەر كەزىندە تويتارىس بەرمەسە، ەۋروپانىڭ قيرايتىنىن، وتىز جىلدان كەيىن «اپاتتى سالدار» بولاتىنىن ايتتى، دەپ جازدى Independent.

ونىڭ ايتۋىنشا، ەۆرەيلەر راديكالدى يسلاميزم مەن وڭشىل انتيسەميتيزمنىڭ ورتاسىندا قالدى.

راۆۆين بەلگيالىق جانە فرانتسيالىق ەۆرەيلەردىڭ 36-40 پايىزى انتيسەميتتىك شابۋىلداردان ءوز دىندەرىن جاسىراتىنى، ال 22 پايىزىنىڭ يەۆرەيلەردىڭ شاراسىنان بويىن اۋلاق ۇستايتىنى تۋرالى ساۋالناما قورىتىندىلارىن كورسەتتى. سونىمەن بىرگە، ول ستاتيستيكالىق مالىمەتتەردى دە مىسالعا كەلتىردى، ون مىڭداعان يەۆرەيلەر ەۋروپا وداعى اۋماعىنان كەتىپ قالعان جانە بىرنەشە مىڭ يەۆرەي كەتۋگە قاجەتتى قۇجاتتاردى رەتتەپ ءجۇر.

گولدشتەين قازىرگى حال- احۋال وزگەرمەسە، ەۋرووداقتى ساتسىزدىككە ۇشىراعان ەكسپەريمەنت دەپ اتاۋعا بولاتىندىعىن ايتتى.