ا ق ش ەندى ينتەرنەتتى باقىلاي المايتىن بولدى
ۇزاق جىلدار بويى كۇشىندە بولىپ كەلگەن ا ق ش پەن ICANN (دومەن مەن IP- مەكەنجايلاردى باسقارۋشى كورپوراتسيا) اراسىنداعى كەلىسىمنىڭ مەرزىمى اياقتالدى.
جاھاندىق جەلىنىڭ تەحنيكالىق قىزمەتتەرىن جۇزەگە اسىرۋمەن ەندى حالىقارالىق قاۋىمداستىق اينالىسادى، دەپ حابارلادى ICANN.
كورپوراتسيا ءوزىنىڭ قىزمەتتەرىن جالعاستىرادى. الايدا، بۇل جۇمىستى شەنەۋنىكتەرمەن كەلىسۋدە توقتاتادى، دەپ حابارلادى ICANN ۇيىمىنداعى دەرەككوز.
ينتەرنەتتى باقىلاۋ شارالارىنا دايىندىق ICANN ۇيىمىنىڭ مەنكەنجايلار مەن دومەندى اتاۋلار جۇيەسىن باسقارۋ قىزمەتىن اتقارا باستاعان 1998 -جىلدان باستالدى، دەپ حابارلايدى روسبالت.
كەلىسىم مەرزىمى اياقتالعانعا دەيىن ICANN ارنايى قۇرىلعان IANA (ينتەرنەتتىڭ مەكەنجاي كەڭىستىگى) جۇيەسى ارقىلى ينتەرنەتتىڭ مەكەنجاي كەڭىستىگىن باقىلادى. IANA بۇرىن ا ق ش- تىڭ ساۋدا مينيسترلىگىنە باعىناتىن. ەندى ونىڭ قىزمەتىن ICANN ۇيىمىنىڭ ىشكى قۇرىلىمى - قوعامدىق مۇددەلەرى قامتاماسىز ەتۋشى كوممەرتسيالىق ەمەس ۇيىم (PTI) اتقاراتىن بولادى.
PTI قۇرامىنا ICANN ۇيىمىنىڭ ۇكىمەتتىك كوميتەتىنىڭ مۇشەسى بولىپ تابىلاتىن بارلىق ەلدەردىڭ بيلىك وكىلدەرى مەن ينتەرنەت سالاسىنىڭ وكىلدەرى جانە قاراپايىم ينتەرنەت قولدانۋشىلار كىرەدى.
ينتەرنەتتى باقىلاۋ ماسەلەسى ا ق ش- تىڭ ۇلتتىق قاۋىپسىزدىك اگەنتتىگىنىڭ بۇرىنعى قىزمەتكەرى ەدۆارد سنوۋدەننىڭ يۋزەرلەردىڭ ارنايى قىزمەت وكىلدەرىنىڭ كەڭ اۋقىمدى باقىلاۋىندا ەكەندىگى جونىندەگى مالىمەتتەردى جاريا ەتكەن سوڭ وزەكتى بولا ءتۇستى.
