رەسپۋبليكالىق «قازاقستان» تەلە راديو كورپوراتسياسى» ا ق- ىنا جاڭا باسشى تاعايىندالدى

استانا. قازاقپارات - ق ر بايلانىس جانە كوممۋنيكاتسيالار ءمينيسترى داۋرەن ابايەۆ «قازاقستان رەسپۋبليكالىق تەلە راديو كورپوراتسياسى» ا ق ۇجىمىنا جاڭا باسقارما ءتوراعاسى - كەمەلبەك ويشىبايەۆتى تانىستىردى.

ءمينيستردىڭ حابارلاۋىنشا، كورپوراتسيانىڭ بۇرىنعى باسشىسى نۇرجان مۇحامەدجانوۆا ءتوراعانىڭ ءبىرىنشى ورىنباسارى لاۋازىمىن اتقارادى جانە كومپانيا جانە ونىڭ فيليالدارىنىڭ ستراتەگيالىق ماسەلەلەرىنە قاتىستى جۇمىسىن رەتتەيتىن بولادى. داۋرەن ابايەۆ كورپوراتسيانىڭ جەمىستى جۇمىسىن ەرەكشە اتاپ ءوتتى جانە ۇجىمعا ساتتىلىك تىلەدى.

ءوز كەزەگىندە كەمەلبەك ويشىبايەۆ كورپوراتسيا ۇجىمى قويىلعان جاڭا مىندەتتەر مەن تالاپتاردى اقتاۋعا تىرىساتىندىعىن اتاپ ءوتتى.

«ءسىزدىڭ بارلىق تاپسىرمالارىڭىز مىندەتتى تۇردە ورىندالاتىن بولادى»، - دەدى ول.

ويشىبايەۆ كەمەلبەك باقتىعۇل ۇلى 1977 - جىلى 13 - شىلدەدە دۇنيەگە كەلگەن. ءال- فارابي اتىنداعى قازاق ۇلتتىق ۋنيۆەرسيتەتىن جۋرناليستيكا ماماندىعى بويىنشا، قازاق گۋمانيتارلىق- زاڭ ۋنيۆەرسيتەتىن زاڭگەر ماماندىعى بويىنشا، حالىقارالىق بيزنەس اكادەمياسىن كورپوراتيۆتى مەنەدجمەنت ماماندىعى بويىنشا ءتامامداعان، سونىمەن قاتار Geneva Business School - MBA مەكتەبىن بىتىرگەن. ورتالىق كوممۋنيكاتسيالار قىزمەتىنىڭ ديرەكتورى قىزمەتىن اتقاردى. سونىمەن بىرگە «قازمەديا ورتالىعى» باس ديرەكتورىنىڭ ورىنباسارى، « Zaman قازاقستان» رەسپۋبليكالىق گازەتى باس رەداكتورىنىڭ ورىنباسارى، «قازاق تەلەكوم» ا ق كورپوراتيۆتىك ساتىلىمدار ديرەكسياسىنىڭ باس ديرەكتورى قىزمەتتەرىن اتقارعان.

اۆتور: جاسۇلان جولدىبايەۆ