نازاربايەۆ: قازاقستاننىڭ كەلەسى مەجەسى فۋتبولدان الەم چەمپيوناتىن وتكىزۋ بولۋى مۇمكىن
ايسۇلتان نازاربايەۆ جەلىدەگى جازباسىن كەلەر جىلى ەلىمىزدە وتەتىن «ەكسپو-2017» كورمەسى جايىندا باستاعان. 10 - ماۋسىمنان 10 - قىركۇيەككە دەيىن استاناعا ميلليونداعان ادام - ماماندار مەن تۋريستەر كەلەدى. ەكسپو - بۇل مەملەكەت پەن ونىڭ حالقى ءۇشىن ءسوزسىز تابىس اكەلەتىن ايتقىسىز جوبا»، - دەيدى ول.
«مەنىڭشە، مەملەكەت الەمدىك ترەندتتەرمەن ۇندەسە دامۋى ءۇشىن مۇنداي اۋقىمدى جوبالار قاجەت. جانە مۇنداي ماقساتتارعا جەتۋ قازاقستاننىڭ قولىنان كەلەدى: 2010 -جىلعى ە ق ى ۇ ءسامميتى جانە ەكسپو-2017 - سونىڭ ايقىن دالەلى. اتالمىش جوبالاردىڭ بارلىعىندا پرەزيدەنتتىڭ قولتاڭباسى بار. مەن ونىڭ مىنەزىن جاقسى بىلەمىن. ول ەرەكشە ستراتەگ، ەشتەڭەنى بوسقا ىستەمەيدى. ول ساناپ، الدىن الا ەسەپتەي الادى. ناتيجەسىندە مەملەكەت قاجەتتى نازارعا جانە سىرتقى كاپيتالعا وڭاي قول جەتكىزەدى»، - دەپ جازدى ا. نازاربايەۆ.
ودان ءارى ول، قازاقستاننىڭ كەلەسى ماكرو- ماقساتى فۋتبولدان الەم چەمپيوناتىنىڭ وتكىزىلۋى بولۋى مۇمكىندىگىن ايتادى. بولجاممەن 2030 -جىلى. «الەم چەمپيوناتى - بۇل جاي عانا سپورتتىق جارىس ەمەس. سوڭعى ۋاقىتتا بۇل تۋرنير قابىلداۋشى ەل ءۇشىن دامۋ كاتاليزاتورىنا اينالدى. مۇندا ءىس- شارامەن بايلانىستى «قىسقا» اقشالار، سونداي- اق تۋريستەر لەگىنىڭ جوعارىلاۋىنان جانە حالىقارالىق بيزنەس تاراپىنان نازاردىڭ ارتۋىنان كەلەتىن «ۇزىن» اقشالار بار. ناتيجەسىندە سىرتقى ينۆەستيتسيالار اعىلادى. تاجىريبە كورسەتىپ وتىرعانداي، فۋتبولدان الەم چەمپيوناتى ەلدىڭ جالپى دامۋىندا قۋاتتى درايۆەر بولا الادى»، - دەيدى ول.
نازاربايەۆ الەم چەمپيوناتىن وتكىزۋگە ۇمىتكەر ەلدەردىڭ كوپتىگى جانە قاتاڭ باسەكە قازاقستانعا توسقاۋىل بولماۋى ءتيىس. «مەن مۇنى جاي عانا قالامايمىن، ناقتى ايتقاندا، ونىڭ ىسكە اسۋىنا قازاقستاننىڭ ءوز ىشىندە جانە تىسقارى اۋماقتا قاجەتتى بارلىق كۇش- جىگەرىمدى سالۋعا جوسپارلاپ وتىرمىن»، - دەپ تۇيىندەدى.
