ۆاليۋتا نارىعىنداعى احۋال قالىپقا ءتۇستى - دانيار اقىشەۆ

استانا. قازاقپارات - ق ر پرەزيدەنتى نۇرسۇلتان نازاربايەۆ ۇلتتىق بانك ءتوراعاسى دانيار اقىشەۆتى قابىلدادى، دەپ حابارلايدى اقوردانىڭ باسپا ءسوز قىزمەتى.

كەزدەسۋ بارىسىندا دانيار اقىشەۆ ەلباسىعا ۇلتتىق بانكتىڭ قازىرگى قىزمەتى تۋرالى باياندادى.

قازاقستان پرەزيدەنتى قارجى نارىعىن رەتتەۋشى رەتىندەگى ۇلتتىق بانك جۇمىسىنىڭ ماڭىزدىلىعىنا نازار اۋداردى.

ۇلتتىق بانك ءتوراعاسى مەملەكەت باسشىسىنا ۆاليۋتا نارىعى مەن ينفلياتسيا ۇدەرىستەرىندەگى جاعداي تۋرالى مالىمدەدى.

- بيىلعى 8 ايدا ينفلياتسيا %5,4 بولدى. ءسىزدىڭ تاپسىرماڭىزعا سايكەس، ۇكىمەت پەن جەرگىلىكتى اتقارۋشى ورگاندار باعانىڭ نەگىزسىز وسۋىنە جول بەرمەۋ شارالارىن ىسكە اسىرۋدا. مۇناي باعاسى مەن رەسەي رۋبلى باعامىنىڭ تۇراقتانۋى جاعدايىندا ۆاليۋتا نارىعىنداعى احۋال قالىپقا ءتۇستى، - دەدى د. اقىشەۆ.

بۇدان بولەك، ۇلتتىق بانك ءتوراعاسى ۇلتتىق ۆاليۋتاداعى دەپوزيتتەر سانىنىڭ ارتقانىن ايتتى. سونداي- اق، نەسيەلەندىرۋدى جانداندىرۋ ۇدەرىسىندە وڭ قارقىن بايقالادى. اتاپ ايتقاندا، جىل باسىنان بەرى شاعىن كاسىپكەرلىك سەكتورىن نەسيەلەندىرۋ %35 عا ارتقان.

كەزدەسۋ قورىتىندىسى بويىنشا ەلباسى ءبىرقاتار ناقتى تاپسىرما بەردى.