ۇلى بريتانيادا ءجۇز جاساعاندار سانى ارتىپ كەلەدى

استانا. قازاقپارات - وتكەن جىلدىڭ قورىتىندىسى بويىنشا، ۇلى بريتانيادا ءجۇز جاسقا تولعان قارتتاردىڭ رەكوردتى سانى تىركەلدى.

 بۇگىندە ۇلى بريتانيادا 100 جاستان اسقانداردىڭ سانى 14,57 مىڭعا جەتتى. سونىمەن بىرگە، 2002 -جىلدان بەرى عاسىر جاساعان بريتاندىقتاردىڭ سانى ەكى ەسەگە وسكەن. «بىرىككەن كورولدىكتە جارتى ميلليونعا جۋىق 90 جاستان اسقان قاريا بار»، - دەيدى بىرىككەن كورولدىكتىڭ ۇلتتىق ستاتيستيكا قىزمەتىنىڭ ماماندارى.

 سوڭعى ونجىلدىقتا 105 جاستان اسقان بريتاندىقتار سانى ەكى ەسەگە كوبەيدى، بۇگىندە ولاردىڭ سانى 850 ادام.