الماتى وبلىسى ءى ءى د: ۇزىناعاشتا قازا تاپقان اعايىندىلاردىڭ ءىسى تىڭعىلىقتى تەرگەلەدى

استانا. قازاقپارات - الماتى وبلىسى ءى ءى د باسشىسى مۇرات ءۇرىمحانوۆ جامبىل اۋدانىندا قازا تاپقان ءۇش اۋىل ازاماتىنىڭ تۋىستارىمەن كەزدەستى، ولارعا اتىشۋلى كىسى ءولتىرۋ قىلمىسىنا جان- جاقتى تەرگەۋ جۇرگىزەتىنىن ايتتى.

ءوڭىر پوليتسياسىنىڭ باسشىسى ولاردى ءوز كابينەتىندە قابىلداپ، كوڭىل ايتتى. جابىرلەنۋشى تاراپتىڭ ىزدەۋ بارىسىندا تۋىنداعان ماسەلەلەرىن، اۋداندىق پوليتسيا قىزمەتكەرلەرىنىڭ ارەكەتىنە، كۇدىكتىلەردى ۇستاۋعا قاتىستى ويلارىن تىڭداپ، تالقىلادى، دەپ حابارلادى الماتى وبلىسى ءى ءى د باسپا ءسوز قىزمەتىنەن.

قازا تاپقان ازاماتتاردىڭ تۋىستارىمەن وسى قىلمىستىق ءىستى تەرگەۋمەن تىكەلەي اينالىسىپ جاتقان ءى ءى د تەرگەۋ باسقارماسىنىڭ باسشىسى مەن قىزمەتكەرلەرى دە كەزدەستى.

«قىلمىستىق ءىس ءى ءى د اپپاراتىندا وندىرىستە. تەرگەۋ جۇمىستارىنا ەڭ تاجىريبەلى قىزمەتكەرلەر جۇمىلدىرىلدى. ولار بارلىق ءمان-جايدى ەسكەرىپ، تولىق، جان- جاقتى تەرگەۋ جۇرگىزەدى»، - دەپ اتاپ ءوتتى پوليتسيا گەنەرال- مايورى مۇرات ءۇرىمحانوۆ.

جابىرلەنۋشىنىڭ تۋىستارىنا تەرگەۋ بارىسى ق ر ىشكى ىستەر ءمينيسترى، گەنەرال-پولكوۆنيك قالمۇحامبەت قاسىموۆتىڭ ەرەكشە باقىلاۋىندا ەكەنىن حابارلادى.

ەسكە سالساق، 18 -قىركۇيەكتە ءۇش ەر ادام ۇزىناعاش بازارىنا مال ساتۋعا شىققان، ءبىراق سول بويى ۇيلەرىنە ورالماعان.

سودان ولاردىڭ تۋىستارى پوليتسياعا ارىزدانادى.

الماتى وبلىسى ءى ءى د دەرەكتەرىنە سايكەس، ەر ادامدار ءولى كۇيىندە تابىلدى جانە ولاردىڭ دەنەلەرىندە كۇشتەپ ولتىرىلگەندىگىن راستايتىن بەلگىلەر بولدى. ولاردىڭ مۇردەسى الماتىدان 270 شاقىرىم جەردە قۇمعا كومىلگەن جەرىنەن تابىلدى. ءۇش ەر ادامدى ولتىرگەن كۇدىكتىلەر ۇستالدى. ولار جامبىل اۋدانىنىڭ ەكى تۇرعىنى بولىپ شىقتى. ولارعا قاتىستى ق ر ق ك 99-بابى 2- ءبولىمى بويىنشا سوتالدى تەرگەۋ جۇمىستارى باستالدى.

ق ر پرەمەر- ءمينيسترى باقىتجان ساعىنتايەۆ ق ر ءى ءى م مينيسترىنە جانتۇرشىگەرلىك قىلمىستى جەكە باقىلاۋىنا الۋىن تاپسىردى.

قازا تاپقانداردىڭ تۋىستارى قىلمىستى تەك ەكى ادام جاسادى دەگەنگە سەنبەيدى، تەرگەۋدىڭ رەسمي نۇسقاسىن تەرىسكە شىعارۋدا.