استانادا العاش رەت اسقازانعا ەندوسكوپيالىق جولمەن وتا جاسالدى
بۇل ادىستەمەنىڭ ەرەكشەلىگى - وپەراتسيانىڭ ەندوسكوپيالىق جولمەن جاسالاتىندىعى.
ەلوردا اكىمدىگىنىڭ سايتىنىڭ حابارلاۋىنشا، شەبەرلىك سىنىبى بيىل استانا قالاسىنىڭ دەنساۋلىق ساقتاۋ باسقارماسى مەن سەۋلدىڭ سۋنگ كۆان چاۋم مەديتسينالىق قورىنىڭ اراسىندا جاسالعان ىنتىماقتاستىق جونىندەگى مەموراندۋم اياسىندا جۇزەگە اسقان.
- بۇگىن پروفەسسور كو وتە سيرەك جاسالاتىن وپەراتسيا ءتۇرى بويىنشا شەبەرلىك سىنىبىن وتكىزدى- ەندوسكوپيالىق جولمەن اسقازانداعى ىسىكتىڭ شىرىشاستى رەزەكسياسى. ءبارى ءماجىلىس زالدا كورسەتىلدى. نەگىزى، چا مەديتسينالىق كورپوراتسياسى - وڭتۇستىك كورەياداعى ءىرى ۇيىمداردىڭ ءبىرى. حيرۋرگ، ەندوسكوپشى جانە ت. ب. مامانداردى دايارلاۋدا پراكتيكالىق كومەك كورسەتەدى، - دەدى №2 قالالىق اۋرۋحانانىڭ باس دارىگەرى يۆان لي.
ونىڭ ايتۋىنشا، 1 - قازاننان باستاپ اتالعان كورپوراتسيا جەرگىلىكتى مامانداردى ەكى اي بويى تەگىن وقىتاتىن بولادى.
بىرەگەي ەندوسكوپيالىق جولمەن وتكىزىلگەن وپەراتسيا وتا جاساۋ اۋماعىن ازايتىپ، ناۋقاستى از جاراقاتتايدى، اۋرۋحانادا جاتۋ مەرزىمىن ازايتىپ، تەز جازىلۋىنا سەپتىگىن تيگىزەدى. وپەراتسيانىڭ بۇل ءتۇرى ەلوردادا العاش رەت جاسالدى.
پروفەسسور كونىڭ ايتۋىنشا، قازىرگى كەزدە مۇنداي وتالار چا بۋندانگ اۋرۋحانالارىنان باسقا، وڭتۇستىك كورەيانىڭ 50 كلينيكاسىندا جاسالادى.
- ءبىز اسقازان مەن وڭەشتىڭ قاتەرلى ىسىگىن باستاپقى كەزەڭدە انىقتايمىز. ال قازاقستاندا قاتەرلى ىسىك تابىلسا، كوپ جاعدايدا رەزەكسيا جاسالادى دەپ ەستىدىم. ورگاندى الىپ تاستايدى، ال ءبىز تەك زاقىمدانعان بولىگىن عانا الامىز. بىزگە قازاقستاننان وپەراتسيا جاساتۋعا ادامدار كوپ كەلەدى. سىزدەردىڭ دارىگەرلەرىڭىز كەلىپ وقىسىن، ءوزىمىز دە كەلىپ كورسەتەمىز، - دەيدى دارىگەر.
ايتا كەتەيىك، وڭتۇستىك كورەياداعى چا بۋندانگ اۋرۋحاناسىندا ءبىر جىلدا 1 ميلليونعا جۋىق ادام امبۋلاتوريالىق ەم- دوم قابىلداعان. مەكەمە ناۋقاستاردى قابىلداۋ سانى بويىنشا كورەياداعى ۇزدىك ون اۋرۋحانانىڭ ءبىرى.
