08:18, 29 - قىركۇيەك 2016 | GMT +5
مۇناي ەكسپورتتاۋشى ەلدەر وداعى مۇناي ءوندىرىسىن شەكتەۋگە ۋاعدالاستى
استانا. قازاقپارات - و پ ە ك- قا مۇشە- ەلدەر 32,5 ميلليون باررەل دەڭگەيىندە مۇنايدىڭ ورتاشا تاۋلىكتىك ءوندىرىسىن شەكتەۋ تۋرالى كەلىستى.
بۇل تۋرالى ت ا س س جازۋدا.
و پ ە ك دەلەگاتسياسىنداعى دەرەككوزگە سىلتەمە جاساپ، Reuters- ءتىڭ حابارلاۋىنشا، اتالمىش ماقساتقا قول جەتكىزگەننەن كەيىن كارتەل مۇنايدى ەكسپورتتاۋشى وزگە ەلدەردەن وسى كەلىسىمگە قوسىلۋدى سۇراماق.
و پ ە ك قاراشادا وتەتىن كەلەسى كەزدەسۋدە كارتەلگە مۇشە- ەلدەردىڭ ارقايسىسىمەن مۇناي ءوندىرىسىن شەكتەۋ ماسەلەسىن تالقىلايتىن بولادى.
وسى جاڭالىقتار اياسىندا Brent ماركالى مۇنايعا فيۋچەرس قۇنى لوندونداعى ІСЕ بيرجاسىندا 4,6 پايىزعا، ياعني باررەلىنە 48,35 دوللارعا جەتتى. مۇناي باعاسىنىڭ ەڭ كوپ ءوسىمى باررەلىنە 48,93 پايىزدى قۇراعان بولاتىن.
