ەۆگەني تيشەنكو: قازاق حالقىنان كەشىرىم سۇرايمىن
«مەنىڭ اتىما سونداي جامان حاتتار كەلۋدە، وعان ءتوزۋ مۇمكىن ەمەس. ءتىپتى مۇنىڭ ءوزى مەنىڭ بۇلاي سويلەۋىمدى اقتامايدى. ەندىگىدە نە ايتىپ وتىرعانىمدى ويلايتىن بولدىم. مەن ءوز ءسوزىم ءۇشىن قازاقستاندىق جانكۇيەرلەردەن، بارشا قازاق حالقىنان كەشىرىم سۇرايمىن. مەن بارلىق ۇلتقا قۇرمەتپەن قارايمىن جانە سىندى دا كوتەرەمىن. كوپشىلىگى رينگتە تۇرىپ، ناتيجەگە كۇش سالۋدىڭ قانداي اۋىر ەكەنىن بىلمەيدى دە. جۇزدەگەن ادام انايى سوزدەرمەن، ورفوگرافيالىق قاتەلەرمەن نەگاتيۆتى پىكىر قالدىردى. ءتىپتى پرەزيدەنت پەن مەنىڭ وتباسىما دا حاتتار كەلدى. ىڭعايسىز بولدى. مەن قازاقستاندا بولدىم جانە ماعان قاتتى ۇناعان. قازاق حالقىن رەنجىتىپ الام دەپ ويلامادىم. ارازدىقتى قوزدىرعان جۋرناليستەر مەن قاسكويلەرگە ءسوزىم جوق»، - دەپ مالىمدەدى ەۆگەني تيشەنكو.
جەلىدە «كومسومولسكايا پراۆدا» راديوسىنىڭ ستۋدياسىنداعى بەينەجازبا تەز تارادى. وندا تيشەنكو جۋرناليستەردەن جەڭىسكە دەگەن اسەردى سۇراماۋىن ءوتىنىپ، «مەن ول ۇلتتى اسا قۇرمەتتەمەيمىن» دەگەن ەدى.
ريو- دە- جانەيروداعى وليمپيادادا تيشەنكو قازاقستاندىق لەۆيتتى جەڭدى. جانكۇيەرلەر ىسقىرۋ ارقىلى بۇل شەشىمگە نارازىلىقتارىن ءبىلدىردى.
