رىپاكوۆا بەيجىڭ وليمپياداسىنىڭ «قولا» جۇلدەسىن الۋى مۇمكىن
باسىلىمنىڭ مالىمدەۋىنشە، ونىڭ قارسىلاسى، بەيجىڭ وليمپياداسىنىڭ قولا جۇلدەگەرى دوپينگپەن ۇستالعان.
بەيجىڭدە وتكەن وليمپيادا-2008 ويىندارىندا ءۇش قارعىپ سەكىرۋدەن قولا مەدالعا يە بولعان گرەك قىزى حريزوپيا ديەۆەتسي قايتا تاپسىرعان دوپينگ- سىناماسىنىڭ ناتيجەسى بويىنشا ءوز جۇلدەسىنەن ايىرىلادى، دەپ جازدى Sports.kz.
وقيعا تۋرالى حالىقارالىق جەڭىل اتلەتيكا فەدەراتسيالارىنىڭ قاۋىمداستىعى (IAAF) حابارلادى. دەمەك، بەيجىڭدە ءتورتىنشى ورىن العان لوندون وليمپياداسىنىڭ چەمپيونى جانە ريو وليمپياداسىنىڭ قولا جۇلدەگەرى ولگا رىپاكوۆا ءۇشىنشى وليمپيادالىق جۇلدەسىن الۋى مۇمكىن.
دوپينگكە قارسى جاڭارتىلعان IAAF ەرەجەلەر ءتىزىمى بويىنشا، سوڭعى سەگىز جىلدا حالىقارالىق ارەناعا شىقپاعان 40 جاستاعى ديەۆەتتسيدىڭ 2007 -جىلى الەم چەمپيوناتىندا تاپسىرعان سىناما ناتيجەسىنەن تىيىم سالىنعان ستەرويد ستەنازولول تابىلعان.
حريزوپيا ديەۆەتتسي 2009 -جىلى دوپينگ- باقىلاۋدان وتۋدەن باس تارتقان ەدى. سول سەبەپتى، وعان جارىستارعا قاتىسۋعا ەكى جىلعا تىيىم سالىندى جانە ءوزى دە سپورتتىق مانسابىن توقتاتتى.
