قازاقستان جۋرناليستەرىنەن اقشا بوپسالاعان تاجىك ميليتسيونەرلەرى جۇمىستان كەتتى
جۇمىستان شىعارىلعان ميليتسيونەرلەر قىزمەت ەتكەن بولىمشە باسشىسىنا سوگىس جاريالاندى.
«ءى ءى م باسشىلىعى ەسكەرتكىشتەر، قالانىڭ كورىكتى جەرلەرى، تۋريستىك ايماقتاردا قىزمەت ەتەتىن بارلىق باسقا دا ميليتسيا قىزمەتكەرلەرىنىڭ تۋريستەرمەن جۇمىسىن تەكسەرۋدى تاپسىردى»، - دەپ حابارلادى ءى ءى م باسپا ءسوز حاتشىسى ۋماردجون ەمومالي.
وتكەن اپتا سوڭىندا دۋشانبەگە ساپارىنان كەيىن فەيسبۋككە جازعان قازاقستاندىق جۋرناليست باقىتجان بۇقاربايدىڭ پوستى شۋلى وقيعاعا اينالدى. جۋرناليست كەزەكتى رەت ءبىزدىڭ استانانىڭ وعاش كەلبەتىن كورسەتتى. بۇل وقيعا يسمويل سومونيدىڭ ەسكەرتكىشىنىڭ ماڭىندا ورىن الدى.
«... يسمويل سوموني مونۋمەنتى ورنالاسقان الاڭدا ادام بولمادى. ءبىز ساتىمەن جوعارى كوتەرىلدىك، سول كەزدە جەرگە ماتراتس توسەپ، اشىق اسپان استىندا قالعىپ- مۇلگىپ وتىرعان ميليتسيونەرلەردىڭ ۇستىنەن تۇستىك. ولار بەسەۋ بولدى. اياقتارى جالاڭ اياق. ءبىزدى، قازاق تۋريستەرىن كوردى دە، ورىندارىنان تۇرىپ، شۇلىقسىز تۋفليلەرىن كيىپ الدى. ولار ءبىر- بىرلەرىنە قاراپ، جاساندى جىمىڭداپ، ءبىزدى قارسى الدى، ءبىراق پەيىلدەرىندە ەش جىلىلىق بايقالمادى. ءبىزدىڭ جوعارى كوتەرىلۋىمىزدى سۇراپ، سۋبۇرقاق، كىتاپحانا جاقتى كورسەتتى، ءبىزدىڭ قالاۋىمىزدان تىس ءبىر- ەكى ءتۇسىرىلىم جاسادى. تاجىك ميليتسيا قىزمەتكەرلەرى تىم مازاڭ ەكەن»، - دەپ جازدى باقىتجان بۇقارباي.
«ءوز تەلەفونىمدى الىپ قويعان ەدىم، بىرەۋى ماعان قاراي جاقىنداپ كەلەدى. مەن تەلەفونىمداعى تۇسىرىلىمدەردى قاراپ تۇردىم، ءبىر كەلەڭسىز جايتتىڭ ورىن الاتىنى سەزىلىپ تۇردى...»
«بۇگىن مەنىڭ تۋعان كۇنىم»، - دەپ باستادى ءسوزىن ميليتسيونەر.
«قۇتتىقتايمىن» - دەدىم مەن.
ءبىراز ۇنسىزدىك ورنادى.
«جوق، بۇگىن مەنىڭ تۋعان كۇنىم دەيمىن»، - دەدى ول.
بۇگىن مەن ەكسكۋرسسيا جەتەكشىسى بولامىن، ول ءۇشىن اقى تولەۋ كەرەك.
«اقشا جوق»، - دەدىم مەن قاۋمالاپ كەتەتىن سىعان قايىرشىلارىنا جاۋاپ بەرگەندەي.
«ساراڭسىڭ با، نە؟» - دەدى ءتارتىپ ساقشىسى.
«اقشا جوق»، - دەدىك نۇرگەلى ەكەۋمىز قوسارلانا سويلەپ.
«سوموني بار ما؟»
«جوق!»
«وندا تەڭگە بەر!»
«تەڭگە دە جوق».
«وندا كەتىڭدەر بۇل جەردەن»، - تاجىك ءتارتىپ ساقشىسى ءبىزدى الاڭنان قۋا باستادى. امان- ەسەن قۇتىلعانىمىزعا شۇكىر دەدىك.
مۇندايدى ەش ۋاقىتتا كورمەپپىز. ولارعا مۋنديردىڭ نامىسى تۋرالى ەشكىم كوپتەن بەرى ايتپاعان سىڭايلى.
