نازاربايەۆ سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ باسشىسىن تاعايىندادى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ وكىمىمەن تالعات مارات ۇلى تاتۋبايەۆ قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ باسشىسى قىزمەتىنە تاعايىندالدى.

بۇل تۋرالى اقوردانىڭ باسپا ءسوز قىزمەتىنەن حابارلاندى.

 تالعات مارات ۇلى 1976 -جىلى 9 -قازاندا قاراعاندى قالاسىندا دۇنيەگە كەلگەن. 1997 -جىلى ق ر باس تەرگەۋ كوميتەتىنىڭ قاراعاندىداعى جوعارى مەكتەبىن ءبىتىردى.

1997-2005 -جىلدارى - قاراعاندى وبلىسى ءى ءى ب ب تەرگەۋشىسى، اعا تەرگەۋشى، ءبولىم باسشىسىنىڭ ورىنباسارى، باسقارما باسشىسىنىڭ ورىنباسارى.

 2005-2009 -جىلدارى - ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) ءبولىم باسشىسى، باسقارما باسشىسىنىڭ ورىنباسارى، باسقارما باسشىسى.

2009-2012 -جىلدارى - ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) تەرگەۋ دەپارتامەنتى باسشىسىنىڭ ورىنباسارى، قىلمىستى اشۋ دەپارتامەنتىنىڭ باسشىسى.

2012-2013 -جىلدارى - استانا قالاسى بويىنشا ەكونوميكالىق جانە سىبايلاس جەمقورلىققا قارسى كۇرەس دەپارتامەنتى (قارجى پوليتسياسى) باسشىسىنىڭ ورىنباسارى، ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ (قارجى پوليتسياسى) باسقارما باسشىسىنىڭ ورىنباسارى، باسقارما باسشىسىنىڭ ءبىرىنشى ورىنباسارى.

2013-2014 -جىلدارى - ق ر پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمىنىڭ مەڭگەرۋشىسى.

2014-2016 -جىلدارى - مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ سوتقا دەيىنگى تەرگەۋ دەپارتامەنتىنىڭ جەتەكشىسى.

2016 -جىلدىڭ 12 قاڭتارىنان باستاپ سىبايلاس جەمقورلىققا قارسى ءىس- قيمىلدىڭ ۇلتتىق بيۋروسى ءتوراعاسىنىڭ ورىنباسارى بولىپ تاعايىندالدى..

 «قۇرمەت» وردەنى، «قازاقستان رەسپۋبليكاسىنىڭ كونستيتۋتسياسىنا 20 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدەلدارىمەن، قارجى پوليتسياسىنىڭ مەدالدارىمەن ماراپاتتالعان.

ۇيلەنگەن، ەكى قىزى بار ۇلى بار.