14:28, 28 - قىركۇيەك 2016 | GMT +5
ومىردەن وزعان يزرايلدىڭ بۇرىنعى پرەزيدەنتى دونور بولدى
استانا. قازاقپارات - سارسەنبىگە قاراعان ءتۇنى قايتىس بولعان يزرايلدىڭ بۇرىنعى پرەزيدەنتى شيمون پەرەس دونور بولدى.
ر ي ا نوۆوستي اقپاراتتىق اگەنتتىگى حابارلاعانداي، بۇل تۋرالى ساياساتكەردىڭ ەمدەۋشى دارىگەرى رافي ۆەلدمان ايتتى.
«شيمون پەرەس ومىردەن قينالماي ءوتتى، - دەدى پەرەس ءومىرىنىڭ سوڭعى مينۋتتارى جايلى ايتقان ۆەلدمان.
- «شيبا» كلينيكاسىنىڭ دارىگەرلەرى ونىڭ ءومىرى ءۇشىن كۇرەسىپ، دۇنيەدەن قينالماي وتۋىنە قولدان كەلگەننىڭ ءبارىن جاسادى. بۇدان باسقا، دارىگەردىڭ ايتۋىنشا، يزرايلدىڭ بۇرىنعى پرەزيدەنتى قايتىس بولعاننان كەيىن ءوزىنىڭ دونور بولۋىن قالاعان. ساياساتكەردىڭ وتباسى دا ونىڭ كوزىنىڭ مۇيىزگەك قابىعىن دونورلىق اۋىستىرۋعا كەلىستى. «ونىڭ كوزىنىڭ مۇيىزگەگى وعان مۇقتاج ادامعا سالىندى»، - دەپ قوستى ۆەلدمان.
يزرايلدىڭ بۇرىنعى پرەزيدەنتى شيمون پەرەس سارسەنبىگە قاراعان ءتۇنى 90 جاسقا قاراعان شاعىندا كوز جۇمدى.
