12:32, 28 - قىركۇيەك 2016 | GMT +5
ءسابينا التىنبەكوۆا جاتتىعۋ جاساپ جاتقان ۆيدەوسىن جاريالادى
استانا. قازاقپارات - قازاقستاننىڭ ەڭ اتاقتى ۆولەيبولشىسى ءسابينا التىنبەكوۆا ينستاگرماداعى پاراقشاسىندا جاتتىعۋى بارىسىنان بەينەروليك جاريالادى.
ۆيدەودا ءسابينانىڭ دوپتى قالاي بەرگەنى كورسەتىلگەن. 20 مينۋت ىشىندە روليكتى 6000-نان استام ادام تاماشالاعان.
اتاپ ايتساق، ۆيدەو بىرنەشە سەكۋندتىق قانا. الايدا پاراقشاعا جازىلۋشىلار سۇيىكتى سپورتشىلارىنان جاتتىعۋدىڭ ۇزاعىراق ۆيدەوسىن سالۋدى ءوتىندى.
ەسكە سالساق، ءسابينا التىنبەكوۆا تايبەيدا وتكەن قىزدار اراسىنداعى ۆولەيبول بويىنشا 17- ازيا جاستار چەمپيوناتىندا تانىمال بولدى. ونى چەمپيوناتتىڭ ەڭ سۇلۋ ۆولەيبولشىسى دەپ اتادى.
بۇدان بۇرىن حابارلانعانداي، قازاقستاندىق ۆولەيبولشى جاپونيا چەمپيوناتىنىڭ ەكىنشى ديۆيزيونىندا شىعاتىن جاپوندىق GSS Sunbeam كلۋبىندا جاتتىعۋدا.
