ەرمەگيايەۆتىڭ تاركىلەنگەن كولىكتەرىن مينيسترلەر مەن دەپۋتاتتار ءمىنۋى مۇمكىن
ەكسپو- نىڭ ەكس- باسشىسىنان تاركىلەنگەن 3 بىردەي تەمىر تۇلپار اۋكسيون ارقىلى ساتىلىمعا شىعارىلعالى جاتىر.
قازىر تاۋەلسىز باعالاۋ كومپانياسى ەرمەگيايەۆتىڭ 2 «Lexus» دجيپى مەن «Мercedes-Benz S 500» ماركالى كولىگىن باعالاۋدا. جوبامەن ولاردىڭ نارىقتاعى قۇنى 30 ميلليون تەڭگە بولۋى مۇمكىن. بۇل استاناداعى ەكى بولمەلى پاتەردىڭ قۇنى. ءبىراق، ماشينالار ءبىرىنشى ۇكىمەت، مينيسترلىكتەر مەن اكىمدىكتەرگە ۇسىنىلادى. ەگەر مەملەكەتتىك مەكەمەلەرگە ەرمەگيايەۆتىڭ كولىكتەرى قاجەت بولماسا، وندا ەلەكتروندى اۋكسيون ارقىلى ساتىلىمعا شىعارىلماق. ياعني، ەكس- ءتوراعاعا تيەسىلى بولعان قىمبات كولىكتەردى كەز كەلگەن ادامنىڭ ساتىپ الۋىنا مۇمكىندىگى بار.
ەسكە سالساق، بيىل ماۋسىمدا تالعات ەرمەگيايەۆ 14 جىلعا سوتتالعان ەدى. سۋديا ونىڭ كولىكتەرىنەن بولەك، الماتى مەن استاناداعى جەر ۋچاسكەلەرىن، پاتەرىن، بانكتەردەگى جەكە شوتىن، بىرنەشە كومپانياسىن تاركىلەگەن. 2017 -جىلى استانادا وتەتىن حالىقارالىق كورمەگە بيۋدجەتتەن بولىنگەن ميللياردتتاردى جىمقىرعانى ءۇشىن سوتتالعان ەرمەگيايەۆ، قازىر استاناداعى شاڭحاي بازارىنىڭ جانىندا ورنالاسقان قاتاڭ تارتىپتەگى تۇرمەدە جازاسىن وتەۋدە.
«ءبىز ولاردى www.gosreestr.kz ۆەب- پورتالىنا قويامىز. 15 كۇن پورتالدا بولادى. ەلەكتروندى اۋكسيون ءبىرىنشى باعانى كوتەرۋ ادىسىمەن وتەدى، بىرىنشىدە ساتىلماسا، باعانى تومەندەتۋ ادىسىمەن وتەدى. وعان قازاقستاننىڭ كەز كەلگەن جەكە جانە زاڭدى تۇلعالارى قاتىسا الادى»، - دەيدى استانا قالاسى مەملەكەتتىك مۇلىك جانە جەكەشەلەندىرۋ دەپارتامەنتىنىڭ ءبولىم باستىعى ەرنۇر قايىربەك.
«ك ت ك» تەلەارناسى.
