02:15, 28 - قىركۇيەك 2016 | GMT +5
مينيستر ميلليون تەڭگەگە جۋىق جالاقى الادى
استانا. قازاقپارات - كەشە ورتالىق كوممۋنيكاتسيالار قىزمەتىنىڭ بريفينگىنە قاتىسقان ق ر ينۆەستيتسيالار جانە دامۋ ءمينيسترى جەڭىس قاسىمبەك سالىقتى ۇستاپ قالعاندا، قولىنا اي سايىن 960 مىڭ تەڭگە جالاقى الاتىنىن ءمالىم ەتتى.
مينيستر، سونداي-اق، قازاقستاندا شىققان «كيا» ماركالى قىزمەتتىك كولىك ءمىنىپ جۇرگەنىن، بۇگىنگى بريفينگكە قازاقستاندا تىگىلمەگەن كوستيۋم كيىپ كەلگەنىن ايتتى.
«مەن شىعىس قازاقستاندا قۇراستىرىلاتىن «كيا» ماركالى قىزمەتتىك كولىك مىنەمىن. قازىر ۇستىمدەگى كوستيۋم قازاقستاندا تىگىلمەگەن. جالاقىما قاتىستى ايتار بولسام، سالىقتى الىپ تاستاعاندا، قولىما 960 مىڭ تەڭگە جالاقى الامىن»، - دەدى مينيستر.
