اسكەري بۇيرىقتار قازاق تىلىندە بىرىزدىلىككە تۇسەتىن ۋاقىت جەتتى - گەنەرال- مايور مۇحامەتقالي ساتوۆ
ق ر ۇلتتىق ۇلانى «باتىس» وڭىرلىك قولباسشىلىعى باسپا ءسوز قىزمەتىنىڭ باسشىسى، پودپولكوۆنيك ەربولات سۇلتانوۆتىڭ حابارلاعانىنداي، بۇل شارا ۇلتتىق ۇلان اسكەرلەرىندە «مەملەكەتتىك ءتىل - تاۋەلسىزدىك تۇعىرى، ىنتىماقتاستىق پەن بىرىكتىرۋدىڭ نەگىزگى فاكتورى» اتتى اكسيا اياسىندا ۇيىمداستىرىلىپ وتىر. مۇنداعى باستى ماقسات ۇلتتىق ۇلان اسكەرلەرىندە "تىلدەر تۋرالى" ق ر زاڭى تالاپتارىنىڭ ورىندالۋىنا نازار اۋدارۋ مەن مەملەكەتتىك ءتىل ماماندارىنىڭ كاسىبي بىلىكتىلىگىن ارتتىرۋ بولىپ تابىلادى.
القالى جيىن ورالداعى دوستىق ۇيىندە وتكەن ق ر تاۋەلسىزدىگىنىڭ 25 جىلدىعىنا وراي «تاۋەلسىزدىك تىرەگى - مەملەكەتتىك ءتىل» اتتى دوڭگەلەك ۇستەل وتىرىسىمەن باستالدى. وندا قر ۇلتتىق ۇلانى باس قولباسشىسىنىڭ تاربيە جانە الەۋمەتتىك- قۇقىقتىق جۇمىستار جونىندەگى ورىنباسارى، گەنەرال- مايور مۇحامەتقالي ساتوۆ وسىناۋ باسقوسۋدىڭ ءمان- ماڭىزىنا توقتالدى. «ەلباسىمىز ءوز جولداۋىندا قازاق حالقىنىڭ سان عاسىرلىق ءداستۇرىن، ءتىلى مەن مادەنيەتىن ساقتاۋ، ونى جاڭا بەلەستەرگە كوتەرۋ ءبىرتۇتاس قازاقستان حالقىنىڭ ىلگەرى دامۋىن قامتاماسىز ەتەتىن باستى نەگىزدەر ەكەندىگىن اتاپ كورسەتكەن بولاتىن.
وسى ورايدا ۇلتتىق ۇلاننىڭ باس قولباسشىسى، گەنەرال- لەيتەنانت رۋسلان جاقسىلىقوۆتىڭ مۇرىندىق بولۋىمەن اسكەردە قىزمەت ەتەتىن وزگە ۇلت وكىلدەرى اراسىندا «مەملەكەتتىك ءتىل - مەنىڭ ءتىلىم» اتتى بايقاۋ يگى داستۇرگە اينالدى. بيىل بۇل بايقاۋدىڭ قورىتىندى كەزەڭىن مەملەكەتتىك ءتىل ماماندارىنىڭ وقۋ- ادىستەمەلىك جيىنىمەن ۇشتاستىرىپ وتىرمىز. قازىرگى تاڭدا قازاقستاندىق پاتريوتيزمدى ورنىقتىرۋدا ءتىلدىڭ الاتىن ورنى ايرىقشا. اسكەري ادامنىڭ بۇيرىعى مەن پارمەنى قازاق تىلىندە بەرىلىپ، بىرىزدىلىككە تۇسەتىن ۋاقىت جەتتى. ءبىز وسى باعىتتا سىزدەرمەن باس قوسا وتىرىپ، تىڭ ۇسىنىستار كۇتەمىز. ەلباسى: «قازاقستاننىڭ بولاشاعى - قازاق تىلىندە»، دەپ بەكەر ايتقان جوق»، دەدى م. ساتوۆ.
دوڭگەلەك ۇستەل وتىرىسىندا سونداي-اق «باتىس» وڭىرلىك قولباسشىسىنىڭ تاربيە جانە الەۋمەتتىك- قۇقىقتىق جۇمىستار جونىندەگى ورىنباسارى، پولكوۆنيك بەرىك وماروۆ، م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتى گۋمانيتارلىق زەرتتەۋلەر ينستيتۋتىنىڭ ديرەكتورى، پەداگوگيكا عىلىمدارىنىڭ دوكتورى، پروفەسسور ابات قىدىرشايەۆ، وسى وقۋ ورنىنىڭ دوتسەنتى، تاريح عىلىمدارىنىڭ كانديداتى جاڭابەك جاقسىعاليەۆ، قازاقستان حالقى اسسامبلەياسىنىڭ مۇشەسى، فيلولوگيا عىلىمدارىنىڭ كانديداتى قازاقباي قاسىموۆ، ب ق و تىلدەردى دامىتۋ باسقارماسىنىڭ باسشىسى ماحامبەت يحسانعالي مەملەكەتتىك ءتىلدىڭ مارتەبەسىن كوتەرۋ جولىنداعى ءوز وي- پىكىرلەرىن ورتاعا سالدى. «ەلباسى ايتقانىنداي، ەڭ باستىسى، قازاق پەن قازاق قازاقشا سويلەسۋى كەرەك. قازاق ءتىلى - بارشا ەلدى جۇمىلدىراتىن، بىرىكتىرەتىن كۇش بولۋى كەرەك، ەلگە، وتانعا دەگەن قۇرمەت مەملەكەتتىك تىلدەن باستالادى»، دەدى ق. قاسىموۆ.
