ساعىنتايەۆ باسپاناعا كەزەككە تۇرعاندار لەگىنىڭ ارتۋىنا الاڭداۋشىلىق تانىتتى
«قۋاندىق ءۋاليحان ۇلى (ق ر ۇلتتىق ەكونوميك ءمينيسترى بيشىمبايەۆ) مەندە ءبىر ساۋال بار. ستاتيستيكاعا قاراساق، سوڭعى 2-3 جىلدا كەزەككە تۇرۋشىلاردىڭ سانى كۇرت ءوسىپ كەتىپتى. ماسەلەن، 2013 -جىلدان باستاپ الساق، 3 جىلدىڭ ىشىندە بىزدەگى ءوسىم 2,5 ەسە بولىپ وتىر. بۇل ماسەلەدە قانداي دا ءبىر تۇگەندەۋ جۇرگىزىلە مە الدە ءبارىن تىركەي بەرەمىز بە؟ ءبىر ادام بىرنەشە قالادا كەزەكتە تۇرۋى مۇمكىن عوي»، - دەپ سۇرادى ۇكىمەت باسشىسى مينيستردەن.
«بىزدە كەزەككە قويۋ تەتىكتەرى «تۇرعىن ءۇي قاتىناستارى تۋرالى» زاڭدا قاراستىرىلعان. شىنىمەن دە كەزەككە تۇرا الاتىن ازاماتتار ساناتى بىزدە وتە كوپ. ازاماتتاردىڭ الاتىن تابىستارىنىڭ دەڭگەيىنە قاراي ءبولۋ جوق. زاڭعا بەلگىلى ءبىر جاڭعىرتۋ جۇرگىزۋ تالاپ ەتىلەدى. بۇعان قوسا، ءوسىمنىڭ ارتۋىنا سوڭعى ۋاقىتتا مەملەكەتتىڭ تۇرعىن ءۇي قۇرىلىسىنا باسا نازار اۋدارۋى دا تۇرتكى بولىپ وتىر»، - دەدى ول.
مينيستر بۇگىندە ەلىمىزدە جالعا بەرىلەتىن جانە ساتىلاتىن ۇيلەردىڭ كوپتەپ سالىنىپ جاتقاندىعىن اتاپ ءوتتى.
«سوعان سايكەس، ءوزىڭىز دە تۇرعىن ءۇي قۇرىلىس جيناق بانكى سالىمشىلارىنىڭ ستاتيستيكاسىنان كورىپ وتىرعانىڭىزداي، 2 جىلدا 34 پايىزعا ءوسىم بار. ءدال وسىنداي جايت كەزەككە دە بايلانىستى تۋىنداۋدا. قازىر «نۇرلى جەر» باعدارلاماسى اياسىندا بۇل ماسەلەلەردىڭ بارلىعىن شەشەمىز. بۇعان قوسا، شىن مانىندە الەۋمەتتىك باسپاناعا مۇقتاج ازاماتتار وعان ۇمىتكەر بولا الاتىنداي زاڭناماعا باستامالار دا كوتەرەمىز»، - دەدى ق. بيشىمبايەۆ.
