راحىمجان قوشقاربايەۆتىڭ تۋ تىككەن ساتتەگى بەينەسى
بىرنەشە جاۋىنگەر قىزىل تۋدى كوتەرىپ، رەيحستاگقا باسىپ كىرەدى. كۇمبەزىنە قىزىل تۋدى قاداپ بايلايدى. تۋدى بايلاپ جاتقانداردىڭ ءبىرى گريگوري بۋلاتوۆ ەكەنى ايتىلادى. كينوحرونيكادا - ول جوعارى تۇر. مەنىڭ ويىمشا، ونىڭ قاسىندا، تۋدى شاندىپ بايلاپ جاتقان ازيالىق - راحىمجان قوشقاربايەۆ. مىناۋ سول كادر. ولاي وي تۇيۋگە سەبەپكەر بولىپ وتىرعان - كينوحرونيكانىڭ ءوزى.
رەيستاگقا شابۋىلداپ، دۇنيە استان- كەستەڭ بولىپ جاتقاندا، وپەراتورلار قىزىل تۋدى قاداعان ءساتتى كامەراعا تۇسىرە الماعان. راحىمجان قوشقاربايەۆ پەن گريگوري بۋلاتوۆتار 30- ءساۋىر كۇنى، ال، ەگوروۆ پەن كانتاريا 1-مامىر كۇنى تاڭعى ساعات ۇشتە، شىعىس جاقتاعى كۇمبەزگە تىككەن. 2-مامىر كۇنى ولار تۋدى قايتا الىپ، ورتالىق كۇمبەزگە بەكىتكەنى بەلگىلى. وپەراتور، رەجيسسەر رومان كارمەن بۇل جەرگە سودان كەيىن جەتەدى. كەلە سۇرايدى عوي:
- تۋدى ءبىرىنشى تىككەن كىم؟
جاۋىنگەرلەر اقىرىنداپ جاپ- جاس گريگوريدى كورسەتەدى. رەيحستاگقا تۋ تىگىلگەنى كينوعا تۇسپەي بولا ما؟ ەرتەڭ، ستالين جولداسقا نە كورسەتەدى سوندا؟ رەيحستاگقا تۋ تىككەن ەكى شابۋىلداۋشى توپتى قايتا جيناپ الادى. ءسويتىپ، سول 2-مامىر كۇنى، كەشەگى جانە الدىڭكۇنگى شايقاستىڭ جەلىسىمەن تۋ تىگۋ وپەراتسياسىن قايتالاۋعا كىرىسەدى. ياعني، تۋ تىككەندەردىڭ وزدەرى قايتا كينوعا تۇسەدى. ونى رومان كارمەننىڭ ءوزى بايانداپ بەرىپتى...
ال، فيلمگە ەگوروۆ پەن كانتاريا تۇسپەي قالعان. قانداي سەبەبى بار ەكەنىن بىلمەدىم. مەنىڭ ويىمشا، بۋلاتوۆتىڭ قاسىندا تۋدى شاندىپ بايلاپ جاتقان مىنا جاۋىنگەر - راحىمجان قوشقاربايەۆ. ويتكەنى، باسقا ازيالىق ازاماتتىڭ اتى اتالمايدى. ونىڭ ۇستىنە، فيلمدە كەزدەيسوق ادامدار بولماعان. ال، وندا، راحىمجاننان باسقا كىم بولۋى مۇمكىن، بۇل ادام؟ راحىمجان اتامىزدىڭ تۋىستارى مەن بالالارى مۇقيات قاراپ، ءوز ويلارىن ايتار. بالكىم، بۇل جايتتى ولار بىلەتىن دە شىعار؟ بىلسە، ءتىپتى جاقسى. ەندى ءبىز دە بىلەتىن بولامىز. باتىر اتامىزدىڭ رەيحستاگقا تۋ تىگىپ جاتقان ءساتى تۇسكەن كينوكادر بار دەپ ماقتانىپ جۇرەمىز ەندى. بۇل ۇلى جەڭىس مەرەكەسىنە قوسقان ۇلەسىمىزدىڭ ءبىر دالەلى بولىپ قالا بەرەدى.
سەرىك جانبولات
فەيسبۋك پاراقشاسىنان الىندى
