ارشاۆين قازاقستاندىق بلوگەردىڭ شاشىن تاقىرلاپ الىپ تاستاۋعا ۋادە ەتتى

استانا. قازاقپارات - قازاقستاندىق «قايرات» كلۋبىنىڭ فۋتبولشىسى اندرەي ارشاۆين ماۋسىم ايىنىڭ باسىندا قازاقستاندىق بلوگەر جاريالاعان باسكە قاتىستى بەينەحابارلاما جولدادى.

بلوگەر پەتر ۆوليكوۆ رەسەيلىك فورۆارد اندرەي ارشاۆيننىڭ «قايرات» فۋتبول كلۋبىنا اۋىسقان ساتىندە رەسەيلىك ويىنشىنىڭ قازاقستان پرەمەر- ليگاسىندا جارىتىپ ويناي الاتىنىنا كۇمان كەلتىرگەن بولاتىن. جۋرناليس ءتىپتى باسكە دە بارعان بولاتىن - ەگەر ارشاۆين «قايرات» ءۇشىن 8 گول سالاتىن بولسا، وندا پەتر شاشىن تاقىرلاپ تاستايتىندىعىن مالىمدەگەن.

كەشە، 25 -قىركۇيەكتە «اقتوبە» كومانداسىنا قارسى وتكىزگەن ويىندا ارشاۆين چەمپيوناتتاعى 8-گولىن سالدى. ماتچتان سوڭ، فۋتبولشى بلوگەرگە ارناپ بەينەحابارلاما جولدادى.

«پەتر، سالەمەتسىز بە! فۋتبول ماۋسىمى باستالعاندا، «ەگەر ارشاۆين 8 گول سالاتىن بولسا، شاشىمدى تاقىرلاپ الىپ تاستايمىن» دەپ ايتۋعا ءداتىڭىز بارعان بولاتىن. بۇگىن بۇل وقيعا ورىن الدى، ءسىزدىڭ قۋانىشىڭىزعا ما، قايعىڭىزعا ما، بىلمەيمىن. سوندىقتان ۋاقىتى مەن كەزدەسەتىن جەرىڭىزدى ايتىڭىز، مەن ءوزىم كەلىپ، سول ۋادەڭىزدى ورىنداۋعا دايىنمىن!»، - دەدى اندرەي ارشاۆين بلوگەرگە ارناعان بەينەروليكتە.

اۆتور: جاسۇلان جولدىبايەۆ