تاجىكستان بىرىككەن ۇلتتار ۇيىمىندا سۋ تاپشىلىعىن كوتەردى

استانا. قازاقپارات - تاجىكستان سىرتقى ىستەر ءمينيسترى سيرودجيددين اسلوۆ بىرىككەن ۇلتتار ۇيىمىنىڭ ەلدەگى سۋ تاپشىلىعى جايلى ماسەلەنى كوتەردى.

ونىڭ ايتۋىنشا، سوڭعى 35-40  جىلدا 13 مىڭ مۇزدىقتىڭ مىڭنان استامى تولىعىمەن ەرىپ كەتتى. بۇل تابيعي اپاتتاردىڭ جيىلەۋىنە، ادامداردىڭ زارداپ شەگۋىنە، ءىرى قارجىلىق شىعىندارعا اكەپ سوقتى جانە ەكوجۇيەلەرگە زاقىم كەلتىردى، دەپ جازدى rosbalt.ru.

س ءى م باسشىسى اۋىز سۋ كوزدەرىنە قولجەتىمدىلىكتىڭ بولماۋى جانە قاراپايىم گيگيەنالىق جانە سانيارلىق تالاپتاردىڭ ساقتالماۋى، سۋ تاپشىلىعى جانە ونىڭ ەنەرگيامەن قامتاماسىز ەتۋ مەن ازىق- تۇلىكتىك تۇراقتىلىققا جاعىمسىز سالدارى سەكىلدى ماسەلەلەردى ەسكە سالدى. كليماتتىڭ وزگەرۋى، ۋربانيزاتسيا جانە حالىق سانىنىڭ ءوسۋى بۇل ماسەلەلەردى تەرەڭدەتە تۇسەدى، دەپ ەسەپتەيدى مينيستر.

«سۋ ماسەلەلەرىن شەشۋ ءۇشىن ساياسي كۇش- جىگەر جانە ىنتىماقتاستىق پەن ۇيلەستىرۋدى نىعايتۋ قاجەت»، - دەدى س. اسلوۆ.