الماتىداعى بوكس كەشى: يسا اقبەربايەۆ قارسىلاسىن نوكاۋتقا جىبەردى
ءبىرىنشى راۋندتا- اق قازاقستان بوكسشىسىنىڭ اۋىر سوققىسىن العان گەرمانيا بوكسشىسى مايك كۋرتسۆەيل نوكاۋتقا ءتۇستى.
ايتا كەتەيىك، «قازاقپارات» يسا اقبەربايەۆتى قالىڭ جۇرتشىلىققا ەتەنە تانىستىرۋ ءۇشىن ونىڭ بوكستاعى جەتىستىكتەرى تۋرالى جازعان بولاتىن.
يسا اقبەربايەۆ كاسىپقوي بوكستاعى العاشقى كەزدەسۋىن 2009 -جىلى وتكىزدى. جەتىنشى جەكپە- جەگىندە WBC نۇسقاسى بويىنشا ازيا چەمپيونى اتاندى.
2013 -جىلدىڭ قاڭتار ايىندا ا ق ش- تا جەرگىلىكتى بوكسشى ەنتوني فەررانتەمەن جۇدىرىقتاستى. فەررانتە يسانى 10-راۋندتا نوكاۋتقا جىبەردى. دەگەنمەن، كوپ ۇزاماي، امەريكالىقتىڭ قانىنان دوپينگ تابىلىپ، جەكپە- جەك ناتيجەسى جويىلدى.
2015 -جىلى اقپان ايىندا يسا اقبەربايەۆ 1-راۋندتا ارگەنتينالىق بوكسشى رۋبەن انحەل مينونى سۇلاتىپ سالدى.
2015 -جىلدىڭ ماۋسىم ايىندا بەرليندە برازيليالىق جۋليو سەزار دوس سانتوسقا قارسى وتكىزگەن كەزدەسۋدە Global Boxing Council نۇسقاسى بويىنشا الەم چەمپيونى تيتۋلىن ءساتتى قورعاپ شىقتى. قازىلار 117-110، 117-110، 116-111 ەسەبىمەن جەڭىستى قازاقستاندىققا بەردى.
2016 -جىلى ساۋىردە 7- راۋندتا ۆەنگر گابور حالاستى نوكاۋتپەن جەڭىپ، Global Boxing Council بەلدىگىن ەكىنشى مارتە قورعاپ شىقتى.
ەسكە سالايىق، بۇعان دەيىن، قازاقستاندىق الي احمەدوۆ، ايدار شارىبايەۆتار شارشى الاڭعا شىعىپ، ەكەۋى دە گرۋزيالىق قارسىلاستارىن جەكپە- جەكتىڭ العاشقى راۋندىندا نوكاۋتقا جىبەرگەن بولاتىن. سونداي- اق، 6 راۋندتىق رەيتينگتىك جەكپە- جەكتە ۋكرايندىق ۆالەنتين كۋتسپەن قولعاپ تۇيىستىرگەن بەرىكباي نۇرىمبەتوۆ تورەشىلەردىڭ شەشىمىمەن جەڭىسكە جەتتى.
اۆتور: مارلان جيەمباي
