الماتى وبلىسىندا جوعالىپ كەتكەن ءۇش اعايىندى ءولى كۇيىندە تابىلدى

 استانا. قازاقپارات - الماتى وبلىسىندا ءىز- ءتۇزسىز جوعالعان ءۇش اعايىندىنىڭ ولىمىنە كۇدىكتىلەر ۇستالدى.

بۇل تۋرالى ايماقتىق ىشكى ىستەر دەپارتامەنتى باسپا ءسوز قىزمەتىنەن ءمالىم ەتتى.

«وبلىستىق ءى ءى د باسشىسىنىڭ ءبىرىنشى ورىنباسارى پودپولكوۆنيك نۇرلان ءماسىموۆ باسشىلىق ەتكەن ىزدەۋ شارالارىنا اۋداندىق جانە ايماقتىق پوليسەيلەر دە جۇمىلدىرىلدى. جوعالعانداردى ءولتىردى دەگەن كۇدىكپەن جامبىل اۋدانىنىڭ ەكى ازاماتى ۇستالدى. جابىرلەنۋشىلەردىڭ دەنەلەرى تابىلدى. ق ر ق ك 99-بابى، 2- ءبولىمى بويىنشا (كىسى ءولتىرۋ) قىلمىستىق ءىس قوزعالدى»، - دەلىنگەن باسپا ءسوز قىزمەتىنىڭ حابارىندا.

كىسى ءولتىرۋ فاكتىسى بويىنشا تەرگەۋ جۇمىستارى الماتى وبلىستىق ىشكى ىستەر دەپارتامەنتى باسشىلىعىنىڭ قاتاڭ نازارىندا.

 ەسكە سالايىق، كوكسۋ اۋدانىنىڭ ءۇش تۇرعىنى جوعالعانى تۋرالى پوليسەيلەرگە ازاماتتاردىڭ تۋىستارى حابارلاعان. اۋىل تۇرعىندارىنىڭ ايتۋىنشا، ءۇش اعايىندى 40 باس ءىرى قارا مالدى ساتۋ ءۇشىن شالعايداعى جامبىل اۋدانىنا بەت العان. ولار تۋىستارىمەن سوڭعى رەت بايلانىسقا 19 - قىركۇيەك كۇنى شىققان.