جامبىل وبلىسىندا مۇناي بازاسىندا بولعان ءورتتىڭ الدىن الا سەبەبى بەلگىلى بولدى

تاراز. قازاقپارات - مەركە مۇناي بازاسىندا بولعان ءورت اۋىزدىقتالدى.

وسىلايشا ت ج د قىزمەتكەرلەرى بەنزين قۇيىلعان سيستەرنانىڭ جارىلۋىنىڭ جانە ءورتتىڭ تۇرعىن ۇيلەرگە تاراپ كەتۋىنىڭ الدىن الدى، دەپ حابارلايدى اتالعان ۆەدومستۆونىڭ باسپا ءسوز قىزمەتى.

الدىن الا بولجام بويىنشا ورتكە تسيستەرنادان بەنزيندى سورىپ الاتىن سورعىدا بولعان تۇيىقتالۋ سەبەپ بولۋى مۇمكىن.

وقيعا سالدارىنان مۇناي بازاسىنىڭ 3 قىزمەتكەرىن كۇيىك شالدى. دەنەلەرىنىڭ 90-100 پايىزى كۇيىپ قالعان ولار مەركە اۋداندىق ورتالىق اۋرۋحاناسىنىڭ جانساقتاۋ بولىمىنە جاتقىزىلدى. دارىگەرلەر ولاردىڭ ءومىرى ءۇشىن ارپالىسىپ جاتىر.

 ايتا كەتەيىك، ءورت ءبىر جارىم ساعات ىشىندە اۋىزدىقتالدى.