ەكسپو كومپانياسى جارنامالىق ماكەتتەگى قاتەگە قاتىستى تۇسىنىكتەمە بەردى
ايتا كەتەيىك، بىرنەشە ساعات بۇرىن ساياساتتانۋشى ايدوس سارىم ەكسپو كومپانياسىنىڭ جارنامالىق ماكەتىندەگى قاتەنى سۋرەتكە ءتۇسىرىپ، فەيسبۋك الەۋمەتتىك جەلىسىندەگى پاراقشاسىندا جاريالادى. جارنامالىق ماكەت الماتىنىڭ مەتروسىنا ورنالاستىرىلعان ەكەن.
«وسى جىلدىڭ 1- قىركۇيەگىنەن باستاپ «استانا ەكسپو-2017» ۇلتتىق كومپانياسى» ا ق «اسەر الىپ، شابىتتان» اتتى ۇرانمەن جارنامالىق ناۋقان باستادى. بۇل جارنامالىق ماكەت ۋاكىلەتتى مەملەكەتتىك ورگاندارمەن كەلىسىلىپ، ەلىمىزدىڭ قالالارىنداعى اۋەجايلاردىڭ، تەمىرجول ۆوكزالدارىنىڭ بيلبوردتارىنا ءىلىندى. ىنتىماقتاستىق اياسىندا، ماكەت ءارتۇرلى مەكەمەلەرگە دە جىبەرىلگەن بولاتىن»، - دەپ حابارلادى ول «قازاقپارات» تىلشىسىنە.
بۇگىن الەۋمەتتىك جەلىدە وسى ماكەتتەگى «شابىتتان» سوزىنەن كەتكەن قاتە تۋرالى اقپارات تاراعان بولاتىن. «بۇل جاعدايدا، ءوندىرىس كەزىندە تەحنيكالىق قاتە كەتكەن. الماتى قالاسىنىڭ مەتروسىنا ىلىنگەن ماكەتتى از ۋاقىتتىڭ ىشىندە اۋىستىرامىز»، - دەدى ا. شايجۇنىسوۆ.
