ساراپشىلار ا ق ش دوللارىنىڭ قۇلدىراۋىن بولجاۋدا
فەدەرالدىق رەزەرۆتىك جۇيەنىڭ مولشەرلەمەنى بۇرىنعى دەڭگەيدە ساقتاپ قالۋ جانە ەكونوميكاعا قاتىستى بولجامداردى ناشارلاۋ جاعىنا قاراي وزگەرتۋ شەشىمىنەن كەيىن، دوللار قارقىندى تۇردە تومەندەي باستادى.
دوللاردىڭ جاعدايى تۇراقتى ەمەس، دەيدى قارجى ساراپشىلارى. ءبىر جاعىنان، ونىڭ قۇلدىراۋىنا العىشارتتار ۇدايى پايدا بولۋدا. ءبىراق، سوڭعى ساتتە امەريكالىق ۆاليۋتانى سۇيرەپ شىعارعانداي بولادى جانە بۇل ءبىرىنشى رەت ەمەس، دەپ اتاپ ءوتتى vestifinance.ru.
فەدەرالدىق رەزەرۆتىك جۇيە دوللاردىڭ قۇلدىراۋىنا جول بەرگىسى كەلمەيتىنى تۇسىنىكتى. سوندىقتان ونىڭ باعاسى جاساندى تۇردە ۇستالىپ تۇر. مىسالعا، بەيسەنبى كۇنى دوللار يندەكسىنىڭ باعاسى نەگىزگى التى ۆاليۋتا قورجىنىنا (DXY) قاراعاندا، قايتادان ارنانىڭ تومەڭگى شەگىنە جەتتى. ءبىراق كەيىن، كوماندا بويىنشا سياقتى، دوللار قاۋىپتى ايماقتان شىعىپ، نىعايا ءتۇستى.
