ق ر پرەزيدەنتىنە قوستاناي وبلىسىنداعى استىق جيناۋ بارىسى جونىندە باياندالدى
مەملەكەت باسشىسى اۋىل شارۋاشىلىعى ءونىمىن وندىرۋمەن جانە وتكىزۋمەن اينالىساتىن اگرارلىق كاسىپورىن قىزمەتىمەن، سونداي-اق ەگىن القابىنىڭ جاي-كۇيىمەن تانىستى.
قازاقستان پرەزيدەنتىنە قوستاناي وبلىسىنداعى استىق جيناۋ ناۋقانى مەن اگروونەركاسىپ كەشەنىن دامىتۋ باعىتىندا اتقارىلىپ جاتقان جۇمىستار جونىندە باياندالدى.
نۇرسۇلتان نازاربايەۆ سونداي-اق اۋىل شارۋاشىلىعى سالاسى ەڭبەككەرلەرىمەن اڭگىمەلەستى.
- قوستاناي وبلىسى اۋىل شارۋاشىلىعى تاۋارىن ەڭ كوپ كولەمدە شىعاراتىن ءوڭىر بولىپ سانالادى. مەملەكەت اۋىل شارۋاشىلىعىنا قولداۋ كورسەتۋىن جالعاستىرا بەرەدى. وسى سالانى عىلىمنىڭ قازىرگى زامانعى جەتىستىكتەرىن ەسكەرىپ، وزىق شەتەلدىك تاجىريبەنى زەردەلەي وتىرىپ جەتىلدىرۋ قاجەت. بۇل اۋىل شارۋاشىلىعىن ساپالىق تۇرعىدان جاڭا دەڭگەيگە كوتەرۋگە مۇمكىندىك بەرەدى، - دەدى مەملەكەت باسشىسى.
اگرارلىق سالا ەڭبەككەرلەرى قازاقستان پرەزيدەنتىنە وڭىرگە جان-جاقتى قولداۋى جانە اۋىل شارۋاشىلىعى سالاسىندا جۇرگىزىپ وتىرعان ءتيىمدى ساياساتى ءۇشىن العىستارىن ءبىلدىردى.
سوڭىندا نۇرسۇلتان نازاربايەۆ جينالعاندارعا جەمىستى جۇمىس پەن زور تابىس تىلەدى.
