قازاقستاندا زياندى بيولوگيالىق بەلسەندى قوسپالار تابىلدى

استانا. قازاقپارات - قازاقستاننىڭ وڭىرلىك گازەتتەرىندە تۇتىنۋشىنى جاڭىلدىراتىن، ادام ءومىرى مەن دەنساۋلىعىنا زيان كەلتىرەتىن بيولوگيالىق بەلسەندى قوسپا (ب ب ق) تۋرالى جارنامالىق اقپارات تابىلدى، دەپ حابارلادى ق ر ۇ ە م تۇتىنۋشىلاردىڭ قۇقىقتارىن قورعاۋ كوميتەتى.

مونيتورينگ كەزىندە وڭىرلىك «اقجايىق»، «موي گورود»، «سپەكتر»، «يۋجنىي كازاحستان» گازەتتەرىندە ب ب ق جارنامالايتىن ماقالالار جاريالانعانى انىقتالدى.

كوميتەتتىڭ اقپاراتىنا سايكەس قازاقستاندا تىركەلمەگەن مىناداي ب ب ق انىقتالدى: «ليتسەتينمەن مادەريا» بالزامى، الكوستوپين فورتە، «ليتوماسلو «ەر كۇشى».

قازىر شارالار قابىلداۋ ماسەلەسى پىسىقتالۋدا. سونداي-اق جارنامانى باقىلاۋ ماقساتىندا تۇراقتى نەگىزدە بۇقارالىق اقپارات قۇرالدارى مەن ينتەرنەت-رەسۋرستاردىڭ مونيتورينگى، ونىڭ ىشىندە ب ب ق جارنامالاۋ ماسەلەلەرىن ءتۇسىندىرۋ شارالارى وتكىزىلەتىن بولادى.