ەلباسى «وركەن» ءبىلىم بەرۋ گرانتىن تاعايىنداۋ تۋرالى جارلىققا وزگەرىستەر ەنگىزدى

استانا. قازاقپارات - ەلباسى «قازاقستان رەسپۋبليكاسى تۇڭعىش پرەزيدەنتىنىڭ «وركەن» ءبىلىم بەرۋ گرانتىن تاعايىنداۋ تۋرالى» جارلىققا وزگەرىستەر ەنگىزدى، دەپ حابارلايدى اقوردانىڭ باسپا ءسوز قىزمەتى.

***

«قازاقستان رەسپۋبليكاسى تۇڭعىش پرەزيدەنتىنىڭ «وركەن» ءبىلىم بەرۋ گرانتىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2009-جىلعى 13- قاڭتارداعى  724№ جارلىعىنا وزگەرىستەر ەنگىزۋ تۋرالى

قاۋلى ەتەمىن:

1. «قازاقستان رەسپۋبليكاسى تۇڭعىش پرەزيدەنتىنىڭ «وركەن» ءبىلىم بەرۋ گرانتىن تاعايىنداۋ تۋرالى» قازاقستان رەسپۋبليكاسى پرەزيدەنتىنىڭ 2009-جىلعى 13 قاڭتارداعى  724№ جارلىعىنا مىناداي وزگەرىستەر ەنگىزىلسىن:

تاقىرىپ مىناداي رەداكسيادا جازىلسىن:

«قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ «وركەن» ءبىلىم بەرۋ گرانتىن تاعايىنداۋ تۋرالى»؛

1-تارماق مىناداي رەداكسيادا جازىلسىن:

«1. «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمدارىندا دارىندى بالالاردىڭ وقۋىن تولەۋ ءۇشىن قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ «وركەن» ءبىلىم بەرۋ گرانتى تاعايىندالسىن.»؛

2-تارماقتىڭ 1) تارماقشاسى مىناداي رەداكسيادا جازىلسىن:

«1) «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمدارىندا دارىندى بالالاردىڭ وقۋىن تولەۋ ءۇشىن قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ «وركەن» ءبىلىم بەرۋ گرانتىن تاعايىنداۋ قاعيدالارى مەن مولشەرلەرىن بەكىتسىن؛».

2. وسى جارلىق العاش رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ن. نازاربايەۆ

استانا، اقوردا، 2016-جىلعى 21- قىركۇيەك

340№