قىدىرالى بولمانوۆ: قازاق ەستراداسىنداعى العاشقى بەينەبايانعا ەكى بولمەلى پاتەردىڭ اقشاسىن جۇمسادىم
«...وسىدان 20 جىل بۇرىن تۇڭعىش رەت ا ب ك توبىن قۇردىم... نە ىستەۋ كەرەك ەكەنىن بىلمەيمىن، بىراق پايىمدايمىن...پروديۋسەر دەگەن نە ەكەنىن ەشكىم بىلمەيدى... سوۆەت ۇكىمەتى تارقاپ، تاۋەلسىزدىك العانىمىزعا 5 اق جىل بولعان.... نە كەڭەستەر وداعى ەمەس، نە قازاقستان قالىپتاسىپ ۇلگەرمەگەن "ءدۇبارا" ۋاقىت... ەلدە تەك رەسەي انشىلەرى كونسەرت قوياتىن، زال جينايتىن... وزىمىزدە دە كيريل لي، پارۆيز نازاروۆ، «ارت- كلۋب» توبى، دۋەت- ل... دەگەن سياقتى تەك ورىسشا ايتاتىن، رەسەي فورماتىن قايتالاۋشى انشىلەر دە جەتەرلىك... ەندى وسى قاتىپ قالعان مۇزدى جارىپ قانا قويماي، تەگىس ىسىرىپ، سىپىرىپ تاستاۋ كەرەك. مەنىڭ توبىم قازاقشا ءاندى وزگەشە ناسيحاتتاپ، ەكى ءتىلدى باۋىرلاردى بىرگە تىڭداتا الاتىن دەڭگەيى بار، ەلەڭ ەتكىزەر ءانى بار توپ بولۋى كەرەك.. قالاي باستاسام؟ قازاققا جات، ءتول ونەرىنىڭ دامۋىنا قايشى شوۋ- بيزنەس دەگەن بىردەڭە كەلدى...» ، - دەپ باستادى ءسوزىن بولمانوۆ جەلىدەگى جازباسىندا.
ودان كەيىن بولمانوۆ «پروديۋسەر» دەپ اتالاتىن ماماندىققا قاجەتتىلىكتىڭ تۋىنداعانىن تۇسىنگەنىن ايتتى.
«ونى يگەرىپ، الىپ كەتۋىمىز قاجەت. ول ءۇشىن ەڭ ءبىرىنشى ءبىلىم قاجەت!!! شوۋ- بيزنەستى ءتۇسىندىرىپ بەرەتىن ءبىر جان جوق... نە كىتاپ، نە ينستيتۋت، نە "ماستەرسقويلار" جوق... اقشا دا جوق... ءان دە جوق... ەسەسىنە اسقاق ارمان، ماقسات، وردا بۇزار جۇرەك، ىشتە قايناعان وت، اق ادال نيەت، تىرەپ تۇرعان نامىس، قولدايتىن اللامىز بار!!! ەرلانىم، مەدەۋىم بار...» - دەپ جالعادى ءسوزىن پروديۋسەر.
ءارى قاراي بولمانوۆ كەزىندە «ا ب ك» توبى ورىنداعان «تامشىلار» ءانىنىڭ جارىققا كەلۋ تاريحىن اڭگىمەلەپ بەردى. قازىر بۇل ءاندى پروديۋسەر جۇبايى، ءانشى قاراقات ابىلدينامەن بىرگە ورىنداپ ءجۇر. قاراقات تا بۇگىن قىدىرالىگە ەڭ العاش وسى ءان ارقىلى عاشىق بولعانىن مويىنداعان ەدى. ال قىدىرالى قازاقستانداعى ەڭ العاشقى بەينەباياندى الماتىداعى ەكى بولمەلى پاتەردىڭ باعاسىنا اقان ساتايەۆقا تۇسىرتكەنىن مالىمدەدى.
«نەگىزى «تامشىلار» ءانى 35 جىلدار بۇرىن جازىلعان، جەزقازعاندىق احمەديا ەسمۇحانوۆ اعامىزدىڭ ءانى, ءسوزى وتەگەن كۇمىسبايەۆ اعامىزدىكى... بالا كەزىمنەن ەستىپ، ابدەن جادىما ءسىڭىپ كەتكەن ءان.. ويلاپ قاراسام «تامشىلار» "حيت" بولعىسى كەلىپ- اق تۇرعان سياقتى... اقان ساتايەۆتى ول كەزدە مەنەن باسقا ەشكىم تانىمايتىن، فيلم تۇرماق، كليپ تە ءتۇسىرىپ كورمەگەن. مەن ونىڭ تالانتتى ەكەنىن سەزەتىنمىن. سول اقانعا ءتۇسىرتتىم. 000 7 دوللار. الماتىدان ەكى بولمەلى پاتەردىڭ باعاسى... تاپتىم. تۇسىردىك. تاريحىمىزدا قازاقشا ءان دە بارلىق ورىس- قازاق ءتىلدى راديو، ت ۆ- حيت- پارادتاردىڭ ەڭ بيىكتەرىنە كوتەرىلە الاتىنىن كورسەتتى. ءتىپتى, ۋكراينا، رەسەي حيت- پارادتارىنا جەتتى.. تاريحىمىزدا تۇڭعىش بەينەبايان ءتۇسىرىلدى.. ستاديون جينالدى.. بۇگىن رەسەي جۇلدىزدارى ساحنامىزدان جوعالدى... ورىسشا ايتقىشتار ءبارى قازاقشا ايتاتىن بولدى.. ال باسى وسىلاي باستالعان... اللاعا سانسىز ماداق!!!» - دەپ تۇيىندەدى ءسوزىن بولمانوۆ.
جەلى قولدانۋشىلارى بولمانوۆتىڭ قازاق ونەرىنىڭ دامۋىنا قوسقان ۇلەسىن جوعارى باعالادى.
«قازاقتىڭ ماقتان تۇتارلىق جىگىتتەرى ءسىز سياقتى ارمانداسا، ءسىز سياقتى سويلەسە قازاقستان اجەپتەۋىر بيىككە كوتەرىلەر ەدى» ، «سىزبەن ماقتانامىز» ، «قازاقتىڭ ماقتانىشى» ، «قىدىرالى باۋىرىمىزداي قازاق ۇلدارىنىڭ كوپ بولعانىن قالايمىن» ، «ەلىمىزدە ءسىز سياقتى ازاماتتار كوپ بولسىن» ، - دەپ پىكىر ءبىلدىردى جەلى قولدانۋشىلارى.
