بالانىڭ تۋۋىمەن بايلانىستى مەملەكەتتىك قىزمەتتەردى ەندى پەرزەنتحانادان- اق راسىمدەۋگە بولادى

استانا. قازاقپارات - «ۇكىمەت ازاماتتار ءۇشىن» مەملەكەتتىك كورپوراتسياسى جاڭا ىلكى جوبانى ىسكە قوستى. ونىڭ اياسىندا جاڭا تۋعان بالانى تىركەۋ، بالا كۇتىمىنە قاجەتتى جاردەماقى مەن ءتۇرلى الەۋمەتتىك تولەمدەردى راسىمدەۋ، بالاباقشاعا كەزەككە تۇرۋ سياقتى شارالاردىڭ بارلىعىن پەرزەنتحانادا- اق راسىمدەۋگە بولادى.

«ۇكىمەت ازاماتتار ءۇشىن» مەملەكەتتىك كورپوراتسياسى» اكسيونەرلىك قوعامىنىڭ باسپا ءسوز قىزمەتىنىڭ حابارلاۋىنشا، اتالعان 4 قىزمەت ءتۇرى بويىنشا وتىنىشتەر پەرزەنتحانانىڭ وزىندە قابىلدانا بەرەدى.

«ادىلەت مينيسترلىگى بيىلعى جىلدىڭ ناۋرىز ايىندا مەملەكەتتىك قىزمەت ستاندارتتارىنا جاڭا تۋعان نارەستەنى تىركەۋگە قويۋ بويىنشا وزگەرىس ەنگىزدى. وعان سايكەس، اتا- انالاردان ءوتىنىش ءۇش جۇمىس كۇنىنىڭ ىشىندە بەرىلۋى كەرەك. وسىنىڭ اياسىندا جانە ەل تۇرعىندارىنا قولايلى جاعداي تۋدىرۋ ءۇشىن ءبىز بالا تۋۋمەن بايلانىستى وزگە دە قىزمەتتەردى پەرزەنتحانادا راسىمدەۋگە مۇمكىندىك جاسادىق. بۇل شارا تۇرعىنداردىڭ ۋاقىتتارىن ۇنەمدەپ، ولاردىڭ قۇجات راسىمدەۋمەن بايلانىستى وزگە دە كوپتەگەن ماسەلەلەرىن شەشۋگە ىقپال ەتەدى»، - دەدى «ۇكىمەت ازاماتتار ءۇشىن» مەملەكەتتىك كورپوراتسياسى» اكسيونەرلىك قوعامىنىڭ باسقارما ءتوراعاسىنىڭ ورىنباسارى مەدەت قۇمارعاليەۆ.

سونىمەن قاتار ول تۋۋ تۋرالى دايىن كۋالىكتى ازاماتتار تۇرعىندارعا قىزمەت كورسەتۋ ورتالىقتارىنان قۇجاتتى تاپسىرۋ كۇنىن ەسەپتەمەگەندە 2 كۇننىڭ ىشىندە الا الاتىندىعىن جەتكىزدى. ال، جاردەماقى تاعايىنداۋ تۋرالى مالىمەتتەر ازاماتتاردىڭ ۇيالى بايلانىس تەلەفوندارىنا sms-حابارلاما تۇرىندە كەلەدى.

بالاباقشاداعى كەزەگى تۋرالى ەل ازاماتتارى egov.kz ەلەكتروندى ۇكىمەتى ارقىلى نەمەسە مەملەكەتتىك كورپوراتسيانىڭ فرونت- وفيستەرىندەگى «Connection Point» وزىنە قىزمەت كورسەتۋ سەكتورلارىنان بىلە الادى.