يتاليادا باستى الماستىرۋ وتاسى جاسالدى

استانا. قازاقپارات - يتاليالىق نەيروحيرۋرگ سەردجو كاناۆەرو (Sergio Canavero) باستى الماستىرۋ بويىنشا سىناق تۇرىندەگى وتا جاسالعان جانۋارلاردىڭ (تىشقان مەن ءيت) ۆيدەوسىن جاريالادى.

بۇل تۋرالى Gizmodo سايتى حابارلادى.

 دارىگەر باستى تولىق كەسىپ تاستاماي، ومىرتقانى عانا تىلگەن. كاناۆەرونىڭ سوزىنە قاراعاندا، ول ءوز جۇمىسىندا پوليەتيلەنگليكولدى پايدالاندى. بۇل زات جۇلىننىڭ زاقىمدالعان بولىكتەرىنە ەنگىزىلىپ، مىڭداعان نەيروننىڭ اراسىنداعى بايلانىستى قالپىنا كەلتىرۋگە سەپتىگىن تيگىزدى.

 تاۋەلسىز ماماندار اتاپ وتكەندەي، جانۋارلاردىڭ ومىرتقاسى ءتيىستى دارەجەدە زاقىمدالعانىن دالەلدەيتىن مالىمەتتەردىڭ جانە باقىلاۋشى توپتاردىڭ بولماۋى تاجىريبەنىڭ قۇندىلىعىن تومەندەتىپ وتىر.

 كاناۆەرو تاجىريبەسى نەيرودەگەنەراتيۆتى دەرتكە شالدىققان رەسەيلىك ازاماتتىڭ باسىن الماستىرۋعا دايىندىق اياسىندا جاسالدى. الايدا، وتانى جاساۋ مۇمكىندىگىن راستايتىن ەشبىر سەنىمدى دالەل جوق.

 تاجىريبەنىڭ ۆيدەوسىن مىنا جەردەن كورۋگە بولادى.