قازاقستان جۇلدىزدارى اراسىندا كىمنىڭ ۇلى كورىكتى؟ - فوتو
ءالي وقاپوۆ - ق ر حالىق ءارتىسى روزا رىمبايەۆانىڭ ۇلى. تاسقىن وقاپوۆتىڭ ۇلكەن ۇلى ءالي اتا- انالارىنىڭ ءىزىن قۋىپ، شوۋ- بيزنەسكە ارالاسا باستادى. بۇگىنگى كۇنى ول ەڭ تانىمال جۇلدىزداردىڭ ءبىرى بولىپ تابىلادى. ۇيلەنبەگەن.
ابيك جەكسەن - جۇبانىش جەكسەن ۇلىنىڭ ۇلى. ابيك ت. جۇرگەنوۆ اتىنداعى ونەر اكادەمياسىندا وقيدى. ول نيۋ- يوركتە ءبىرشاما ۋاقىت تۇرىپ، مۋزىكالىق شەبەرلىگىن شىڭدادى. قازىر ول قازاقستاندا جانە Live بەندتەردىڭ بىرىندە وينايدى. جۋىردا اكەسىمەن بىرگە «جولدار» انىنە كليپ ءتۇسىردى.
دياس ابلايەۆ - ق ر حالىق ءارتىسى ناعيما ەسقاليەۆانىڭ ۇلى. ساحناداعى ءومىرى باستالماس بۇرىن دياس استاناداعى ۇلتتىق كومپانيالاردىڭ بىرىندە جۇمىس ىستەدى. ءبىراق ول بۇل سالادان ەرتەلى مە، كەش پە كەتەتىنىن ءبىلىپ ءجۇردى. ونىڭ ءومىرى «قازاقستان داۋىسى» جوباسىنا قاتىسقاننان كەيىن كۇرت وزگەردى. جوبادان كەيىن ول بۇدان ارعى ەڭبەك جولىن مۋزىكامەن بايلانىستىراتىنىن شەشتى. قازىر ونىڭ قورجىنىندا حيتكە اينالعان بىرنەشە ءان مەن كليپ بار.
ولجاس ەسپانوۆ - ءانشى نۇرلان ەسپانوۆتىڭ ۇلى. ولجاس نازىك جاندىلار اراسىندا تانىمالدىلىققا يە. 20 جاستاعى جىگىت ءاردايىم ءساندى كيىنىپ جۇرەدى. ول اكەسىنىڭ جولىن قۋعىسى كەلمەي، اسكەري قىزمەتتى تاڭدادى. جۇلدىزدى اكە ونىڭ شەشىمىنە قارسى بولماعان سەكىلدى.
دامير تاستەمبەكوۆ - پروديۋسەر ەرىك تاستەمبەكتىڭ ۇلى. «دامير ءبىر كەزدەرى Nota Bene توبىنىڭ رەپەرى بولعانى ەسىمىزدە»، - دەپ جازادى سايت. كەيىن ول امەريكاداعى ەڭ ۇزدىك اكتەرلىك شەبەرلىك مەكتەپتەرىنىڭ بىرىنە وقۋعا اتتاندى. وندا ءبىراز تاجىريبە جيناقتاعاننان كەيىن ەلگە ورالىپ، كليپتەر تۇسىرە باستادى. جاقىندا دامير وتباسىن قۇردى.
