08:51, 21 - قىركۇيەك 2016 | GMT +5
گرەكياداعى بوسقىندار لاگەرى وتقا وراندى
استانا. قازاقپارات - گرەكيانىڭ لەسبوس ارالىنداعى بوسقىندار لاگەرى وتقا وراندى، دەپ حابارلايدى 24.kz.
قىزىل جالىننان جان ساقتاۋ ءۇشىن 4 مىڭعا جۋىق ادام جان-جاققا قاشىپ شىققان. ازىرگە جاپا شەككەندەر تۋرالى ەشقانداي دەرەك جوق.
جەرگىلىكتى ءتارتىپ ساقشىلارىنىڭ ايتۋىنشا، ءورت ادەيى قويىلعان بولۋى مۇمكىن. سەبەبى ءتىلسىز جاۋ تۇتاناردان بۇرىن جەرگىلىكتى تۇرعىندار بوسقىندارعا قارسى نارازىلىق شەرۋگە شىعىپ، بيلىكتەن ولاردى كوشىرۋدى تالاپ ەتكەن.
قازىر قالادا قاۋىپسىزدىك شارالارى كۇشەيتىلدى.
