قازاقستاندا تۇرعىن ءۇي باعاسى ارزاندادى
الدىڭعى ماۋسىم ايىمەن سالىستىرعاندا جاڭا تۇرعىن ءۇي باعاسى 0,2 پايىزعا، پايدالانۋعا بەرىلگەن تۇرعىن ءۇي باعاسى 0,5 پايىزعا تومەندەدى، دەپ حابارلادى ranking.kz.
«شىلدەدە جاڭا پاتەرلەردىڭ باعاسى شارشى مەترىنە 252,2 مىڭ تەڭگەنى قۇراسا، ودان ساناتى تومەن ۇيلەردىڭ قۇنى 191,3 مىڭ تەڭگە بولدى. جاڭا جانە قولدانىستاعى تۇرعىن ءۇي اراسىنداعى باعا ايىرماشىلىعى - 24 پايىز»، دەلىنگەن ساراپشىلار مالىمەتىندە.
ايماقتار اراسىندا، جاڭا ءۇي قۇرىلىسىنىڭ ەڭ جوعارعى باعاسى ش ق و- دا تامىز ايىندا تىركەلىپ وتىر (ءبىر شارشى مەترى ءۇشىن 361,6 مىڭ تەڭگە. قازاقستان بويىنشا ورتاشا كورسەتكىشتەن 43,4 پايىزعا جوعارى). ەكىنشى ورىندا استانا قالاسى بولسا (ءبىر شارشى مەترى ءۇشىن 341,7 مىڭ تەڭگە)، «قىمبات ۇشتىكتى» اتىراۋ تۇيىقتاپ وتىر. وندا پاتەر شارشى مەترىنە 322,6 مىڭ تەڭگە تۇرادى.
2015 -جىلدىڭ تامىزىمەن سالىستىرعاندا بيىلعى جازدىڭ سوڭعى ايىندا جاڭا ۇيلەردىڭ باعاسى استانا قالاسى (+18,4 پايىز) مەن پاۆلودار وبلىسىندا (+17,2 پايىز) كوتەرىلگەن. جامبىل، قىزىلوردا، قاراعاندى، الماتى وبلىستارىندا جاڭا پاتەر باعاسى وزگەرگەن جوق. ال، و ق و، س ق و، ب ق و، اقتوبە جانە اقمولا وبلىستارىندا تۇرعىن ءۇي ارزانداعان.
كوپپاتەرلى تۇرعىن ۇيلەردى ساتۋ- ساتىپ الۋ بويىنشا جاسالعان كەلىسىمدەر الدىڭعى ايعا قاراعاندا 11 پايىزعا تومەن (9826 كەلىسىم جاسالعان). سونىمەن قاتار، 2016 - جىلدىڭ ماۋسىم ايىمەن سالىستىرعاندا جەكە تۇرعىن ۇيلەردىڭ ساتىلۋى دا 8 پايىزعا تۇسكەنىن كورسەتىپ وتىر (5 630 كەلىسىم جاسالعان).
