الماتىدا ادامدى مۇشەلەپ ولتىرگەن ەكى كۇدىكتى قاماۋعا الىندى

الماتى. قازاقپارات - الماتىدا ەر ادامدى ءولتىرىپ، مۇشەلەپ كەتكەن كۇدىكتىلەر قاماۋعا الىندى، دەپ حابارلادى «قازاقپارات» تىلشىسىنە قالالىق سوتتىڭ باسپا ءسوز قىزمەتىنەن.

«سوت سانكتسياسىمەن 2016-جىلدىڭ 14- قاراشاسىنا دەيىن ەكى كۇدىكتى 2 اي مەرزىمگە قاماۋعا الىندى. ولاردى قاماۋعا الۋعا ق ر ق ك 99-بابىنىڭ 2-بولىگىنىڭ 7-تارماعى بويىنشا سانكتسيا بەرىلدى»، - دەپ حابارلادى الماتى قالالىق سوتىنىڭ باسپا ءسوز قىزمەتىنەن.

ەسكە سالا كەتەيىك، 7- قىركۇيەك كۇنى الماتىدا قوقىس كونتەينەرىنەن ادامنىڭ باسى مەن قول- اياعى تابىلعان. 1991-جىلى تۋعان ر. سيتاكتىڭ ولىمىنە قاتىستى شقو مەن پاۆلودار قالاسىنىڭ 1993, 1994-جىلى تۋعان ەكى تۇرعىنى كۇدىكتى رەتىندە ۇستالدى. الماتى قالاسى ءى ءى د حابارلاۋىنشا، قىلمىستىق وقيعا تانىستاردىڭ ءوزارا جانجالىنان باستالعان. اسا اۋىر قىلمىستى جاساعاننان كەيىن كۇدىكتىلەر الماتىدان قاشىپ، شەكارا اسىپ كەتپەك بولعان.