قازاقستانعا تەلەفونداردى جاسىرىن تاسىمالداۋمەن كۇرەس ماسەلەسى كوتەرىلدى
بۇل تۋرالى بۇگىن «اتامەكەن» ۇ ك پ جانىنداعى كولەڭكەلى ەكونوميكاعا قارسى ءىس- قيمىل جونىندەگى كەڭەستىڭ كەزەكتى وتىرىسىندا ق ر پارلامەنتى ءماجىلىسىنىڭ دەپۋتاتى امانجول جامالوۆ ءمالىم ەتتى.
«تاۋارلاردى جاسىرىن جەتكىزۋگە قارسى قادامداردا كەدەندىك باقىلاۋ جۇيەسىنىڭ تيىمدىلىگى ءتيىستى دەڭگەيدە بولماي تۇر. مەملەكەتتىك ستاتيستيكا ورگاندارىنىڭ مالىمەتىنشە، ۇيالى جانە باسقا دا سىمسىز بايلانىس ءۇشىن تەلەفونداردى بولشەك ساۋدالاۋ نارىعى 139 ميلليارد تەڭگەنى قۇراپ وتىر. ساراپشىلاردىڭ پايىمىنشا، تاۋارلاردى زاڭسىز جەتكىزۋ كەستەسى، ياعني «سۇرى» يمپورت وسى نارىقتا كەڭىنەن تارالىپ ۇلگەرگەن»، - دەدى ا. جامالوۆ.
ونىڭ سوزىنە قاراعاندا، اتالعان جاسىرىن نارىقتى تاۋاردى ارزان باعاعا الۋعا نيەتتى ساتىپ الۋشىلاردىڭ وزدەرى قولداپ كەلەدى. الايدا بۇل «سۇرى» يمپورت باسەكەلەستىكتى شەكتەپ، سىرتقى ەكونوميكالىق ءىس- قيمىلدارعا زاڭناما اياسىندا قاتىسىپ جۇرگەندەردى تەڭسىزدىك جاعدايىندا قالدىرۋدا. حالىقارالىق تاجىريبەدە ەۋروپالىق وداق، ا ق ش جانە وزگە دە ەلدەردە پايدالانىلىپ جۇرگەن موبيلدى تەرمينالداردى ەسەپكە الۋدىڭ اۆتوماتتاندىرىلعان اقپاراتتىق جۇيەسى تەلەفونداردى جاسىرىن تاسىمالداۋ ارەكەتتەرىنە ءتيىمدى توسقاۋىل بولىپ وتىر.
«قازاقستاندا 2015 -جىلى تانىستىرىلعان وسىنداي جۇيە ازىرلەندى. سونىمەن بىرگە، ونى پايدالانۋدىڭ شارالارى قابىلدانبادى. دەگەنمەن دە ونىڭ بەيىمدەلۋىن بەلسەندى اتقارۋعا جانە كەدەندىك باقىلاۋدى قامتاماسىز ەتۋ ءۇشىن ەنگىزۋگە زاڭنامالىق مۇمكىندىكتەر ەلىمىزدە ەسكەرىلگەن»، - دەدى دەپۋتات.
اۆتور: رۋسلان عابباسوۆ
