شىعىس قازاقستاندا جاڭا تۋريستىك جوبا جۇزەگە اسادى
سوندىقتان مۇندا ادام اياعى سيرەگەن ەمەس. سۋعا ءتۇسۋ ماۋسىمى كوپ وڭىردە جابىلعانمەن، سيبين كولىنىڭ جاعاسى ءالى دە اشىق. تابيعاتى تاماشا ولكەدە بيىلعى جازدىڭ وزىندە 15 مىڭنان استام ادام دەمالعان. ولاردىڭ تەڭ جارتىسى رەسەيلىكتەر ەكەن. بۇدان بىلاي ۇلان اۋدانىندا تۋريستەرگە قىزمەت كورسەتۋدىڭ ساپاسى جاقسارا تۇسپەك. كەلەسى جىلى كولدىڭ جاعاسى حالىقارالىق ستاندارتقا ساي كەلەتىن، مۋنيتسيپالدىق جاعاجايعا اينالادى. ال قاسىنان جانعا جايلى ەتنواۋىل بوي تۇزەيدى. جوبانى جۇزەگە اسىرۋ ءۇشىن 220 ميلليون تەڭگە قاجەت. قازىردىڭ وزىندە جۇمىستى باستاۋ ءۇشىن وبلىستىق بيۋدجەتتەن 50 ميلليون تەڭگە ءبولىندى.
دۋلات قاجانوۆ، ۇلان اۋدانى اكىمىنىڭ ورىنباسارى: - بيىل وسكەمەن- سىبە كولدەرىنە جول سالۋ كوزدەلگەن بولاتىن. ول قازىرگى تاڭدا سالىنىپ ءبىتتى. جولىمىز جاقسى. ەندىگى ماقسات - وسى دەمالىس بازالارىندا ينجەنەرلىك ينفراسترۋكتۋرالارىن قۇرۋ.
www.24.kz
