الماتىدا جەردى باسىپ الىپ، ورمان اعاشتارىن رۇقساتسىز وتايتىنداردى عارىشتان باقىلاۋ مۇمكىندىگى تۋدى

الماتى. قازاقپارات - الماتىدا تاۋ شاتقالدارىنداعى ورمان اعاشتارىن كەسىپ، جەردى ءوز ەركىمەن باسىپ الۋشىلاردى ەندى عارىشتان باقىلاۋ مۇمكىندىگى تۋدى، دەپ حابارلادى «قازاقپارات» تىلشىسىنە «الماتىنى دامىتۋ ورتالىعى» ا ق باسقارما ءتوراعاسىنىڭ ورىنباسارى اسەت ابدىۋاليەۆ.

«الماتىداعى تاۋلى ايماق پەن سەل قاۋپىن عارىشتان تۇسىرەتىن كومپانيالارمەن بىرگە ەندى ءبىز ورمان اعاشتارىن قورعاۋ، جەردى باسىپ الۋدىڭ الدىن الۋ بويىنشا كەلىسىمگە كەلىپ وتىرمىز» ، - دەدى اسەت ابدىۋاليەۆ.

 سونىمەن قاتار، ول قازىرگى ۋاقىتتا الماتى بويىنشا ەندىرىلەتىن 100 جوبا ىرىكتەلىپ الىنعانىن ايتتى. ونىڭ ىشىندە ەڭ ءىرى جوبالاردىڭ ءبىرى - Uber جانە Yandex تاكسيلەرى ەكەنىن اتاپ ايتتى.

« ءبىز قازىر بارلىق وتىنىشتەرى جيناپ جاتىرمىز. كوپ جوبانى قارجىلاندىرۋعا قاراجات كەرەك دەگەن تۇسىنىك بار. شىنداپ كەلگەندە، IT جانە startup جوبالاردى جۇزەگە اسىرۋعا قارجى ەمەس، اكىمشىلىك قولداۋ قاجەت» ، - دەدى ول.