استانادا ەرەكشە باسىلىمدار مەن قولجازبالار تانىستىرىلدى - فوتو
جادىگەرلەردىڭ ىشىندە - تۇرىك اقىنى، فيلوسوفى الىشەر ناۆويدىڭ شىعارمالارى بار. ونى 1831-جىلى سامارقاندتا موللا جازىپ العان.
تۇرىك پەن موڭعولداردىڭ شەجىرەسىن جازعان تاريحشى ءابىلعازىنىڭ قوزى تەرىسىنە جازعان جازبالارى بار. قازىرگى تاڭدا جازبالاردى قالپىنا كەلتىرۋ كەرەك.
قۇراننىڭ دا بىرنەشە ەرەكشە باسىلىمى تانىستىرىلدى. كىتاپتاردىڭ ولشەمدەرى - 1,5 سانتيمەتر /1,8 سانتيمەتر، مۇسىلماندىق تەوريانىڭ نەگىزىن قالاۋشىلاردىڭ ءبىرى - گيلاني جازباسى، بامبۋك تاقتاشاسىنا جازىلعان قىتاي يمپەراتورلىق كىتاپحاناسىنان اكەلىنگەن 9- عاسىردىڭ اسكەري ستراتەگياسى.
«اباي» رومانىنىڭ العاشقى باسىلىمى قۇندى. ول مۇحتار اۋەزوۆتىڭ جازعانى، وزگەرىسسىز كۇيى. وندا اۆتوردىڭ قولتاڭباسى مەن اۆتوپورترەتى بار (...) ساكەن سەيفۋللين رەداكسيالاعان ىبىراي التىنساريننىڭ كىتابى. بۇل جازبالاردى ساكەن سەيفۋللين جازدى دەپ ويلايمىز. سونداي-اق مۇنان بەيىمبەت مايلين، ءىلياس جانسۇگىروۆتىڭ باسىلىمدارىن كورۋگە بولادى(...) 1902-جىلى جازىلعان جيۋل ۆەرننىڭ «اپەندەنىڭ وسيەتى» («زاۆەشانيە چۋداكا» ) شىعارماسى (اۆتوردىڭ قولتاڭباسى بار)، الەكساندر بلوكتىڭ ءوز قولىمەن جازعان كىتابى بار»، - دەدى ق ر ۇلتتىق اكادەميالىق كىتاپحاناسىنىڭ سيرەك كەزدەسەتىن كىتاپتار مەن جازبالار ءبولىمىنىڭ باسشىسى ءاليا قوجابەكوۆا.
سونىمەن قاتار ول قوسىمشا زەرتتەۋ مەن قارجىلاندىرۋدى تالاپ ەتەتىن قازاقستاندىق جازبا مۇرالارى ماسەلەسى بار ەكەنىن اتاپ ءوتتى. ال قالا تۇرعىندارى مەن قوناقتارى سيرەك كەزدەسەتىن كىتاپتار مەن جازبالارعا قول جەتكىزۋى ءۇشىن ءتيىستى ورتالىق قۇرىلۋى ءتيىس.
