باتىس قازاقستاندا ۇستالعان لاڭكەستەردىڭ حارەكتەرلەرى قاتەرلى بولعان

استانا. قازاقپارات - باتىس قازاقستان وبلىسىندا ۇستالعان راديكالدار ينتەرنەتتەگى دايش (يسلام مەملەكەتى) حالىقارالىق تەرروريستىك ۇيىمىنىڭ اقپاراتتارىن نەگىزگە الىپ وتىرعان. بۇل تۋرالى «قازاقپارات» اگەنتتىگىنىڭ رەسمي ساۋالىنا بەرگەن جاۋابىندا ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتى حابارلادى.

 «باتىس قازاقستان وبلىسىندا ۇستالعان راديكالدار وزدەرىنىڭ قىلمىستىق پيعىلدارىندا ينتەرنەتتەگى دايش (قازاقستاندا تىيىم سالىنعان) حالىقارالىق تەرروريستىك ۇيىمىنىڭ اقپاراتتارىن نەگىزگە الىپ وتىرعان. لاڭكەستىك قىزمەتتى اتقارۋ ءۇشىن شەتەلدەن قارجى جىبەرىلگەندىگى جانە وزگە دە كوزدەردەن قاراجات بولعانى تۋرالى اقپارات انىقتالعان جوق» ، - دەلىنگەن كوميتەتتىڭ بەرگەن جاۋابىندا.

 سونىمەن قاتار، حابارلانعانىنداي، ولاردا ءدىني جانە رۋحاني كوشباسشى بولماعان. «ۇلتتىق قاۋىپسىزدىك ورگاندارى تامىز ايىندا ب ق و- دا ۇستالعان راديكالدار حالىقارالىق لاڭكەستىك ۇيىمدارمەن بايلانىسى تۋرالى اقپاراتقا يەلىك ەتپەيدى. لاڭكەستىك ءۇشىن قاجەتتى قارۋدى ولار و ق- ءدارى ساقتاۋ ورىندارىنا شابۋىل جاساۋ ارقىلى الۋدى جوسپارلاعان» ، - دەپ اتاپ ءوتتى ۆەدومستۆودان.

 ايتا كەتەيىك، بۇنىڭ الدىندا، ۇلتتىق قاۋىپسىزدىك كوميتەتى 12-30 - تامىز ارالىعىندا اقتوبە جانە باتىس قازاقستان وبلىستارى اۋماعىندا ءۇش راديكالدى توپتىڭ ءىس- ارەكەتتەرىنە توسقاۋىل قويعانىن حابارلادى.

 باتىس قازاقستان وبلىسىنىڭ 10 تۇرعىنى جانە اقتوبە وبلىسىنىڭ 11 تۇرعىنى قاماۋعا الىندى.